أماكن تدريب وتعليم

اماكن تدريب تنس الطاولة في القاهرة

اماكن تدريب تنس الطاولة في القاهرة

تنس الطاولة من الرياضات الممتعة والشعبية جدًا في مصر

للإعلان  عن مُنتج أو مشروعك على موقعنا تواصل معنا على تليجرام (من هنا)

غالبًا مش هتلاقي 3 أو 4 شوارع إلا وفيهم على الأقل مكان لممارسة اللعبة

وكون قواعدها بسيطة وسهلة، ده خلى اللعبة شعبية ومنتشره جدًا

لكن لو حبينا نتكلم عن الإحتراف بقى، إنك تروح مكان يدربك على تنس الطاولة في القاهرة

هتروح فين؟

ده إللي هنجاوبك عليه النهارده في (قالك فين دوت كوم)

اماكن تدريب تنس الطاولة في القاهرة
اماكن تدريب تنس الطاولة في القاهرة

أماكن تدريب تنس الطاولة في القاهرة (بينج بونج)

الحقيقة في أماكن كتير جدًا، ممكن تلعب فيهم اللعبة

وتدرب فيها على تنس الطاولة، ولكن قليل جدًا، لما تلاقي مُدربين مُحترفين

وعشان كده هنكتفي بترشيح مكانين أو تلاتة بس، وهم الأماكن إللي واثقين جدًا

من المدربين إللي موجودين فيهم

وواثقين إنها اماكن قادرة تطورك في لعبة تنس الطاولة

وممكن بعدها تدخل بطولات كمان وتكسب، ليه لأ!

وأول مكان معانا هو:

أكاديمية الكابتن حسن اسماعيل لتنس الطاولة في القاهرة

أفضل حاجه في المكان ده أنه مكان مُتخصص، كل إللي هتشوفهم هناك

هم ناس عندهم نفس هدفك وهو التطور في رياضة تنس الطاولة (البينج بونج)

وده بيدي حافظ إضافي ليك للتطور، وبتكتسب صداقات اسرع

ودي بعض المعلومات عن المكان:

  • للدخول لصفحة الأكاديمية على الفيس بوك (دوس هنا)
  • رقم تليفون الأكاديمية : 01063959795
  • مواعيد العمل : كل يوم من 9 صباحًا لـ 2 صباحًا
  • العنوان : في نادي طلائع الجيش

أكاديمية محترفي تنس الطاولة لتعليم البينج بونج في القاهرة

مكان جامد جدًا عشان تلعب وتتدرب على تنس الطاولة وتوصل لحد الإحتراف

وكمان المكان هيأهلك إنك تدخل في بطولات وهيدعمك فيها

وحقيقي هو من أكتر الأماكن المميزة إللي ممكن الواحد يتدرب فيها

ودي بعض المعلومات عن المكان:

  • رقم تليفونهم + واتساب : 01148818826
  • لدخول صفحة المكان على الفيس بوك (دوس هنا)
  • عشان تعرف العنوان وباقي تفاصيل الأكاديمية ادخل على موقعهم ( من هنا )
  • العنوان على خرائط جوجل (دوس هنا)

أكاديمية تاجان لتدريب البينج بونج في القاهرة

دي تقريبًا المرة التالتة إللي بنرشح فيها الأكاديمية الرائعه (تاجان)

لتدريب رياضة في القاهرة، بعد ما رشحناها في:

الحقيقة هي واحدة من افضل الأماكن اللي بتعلم كُل الرياضات دي

ودلوقتي بينضم ليهم كمان تنس الطاولة

إللي بتستقبل مُتدربين فيه من سن 6 سنين بس

وبمبلغ 350 جنية بس شهريًا وبمواعيد مُناسبة للجميع

وعنوانهم هو (شارع 1، اول القاهرة الجديدة، محافظة القاهرة‬)

وبكده نكون رشحنالكم أفضل 3 أماكن لتدريب تنس الطاولة في القاهرة

ودلوقتي ييجي دوركم لو عندكم مكان يستحق أنه يكون موجود في القايمة قولولنا اسمه في التعليقات.

اترك رد

زر الذهاب إلى الأعلى