افضل اماكن تعليم الجيتار فى القاهرة
الجيتار من أكتر الالات الموسيقى شعبية، وده لإنك من خلالها
ممكن تعزف عدد كبير من الالحان المشهورة
سواء العربية أو الغربية، وبرضه لأن سهل تعلمها بالمقارنة مع الات تانيه أكثر صعوبة
زي الكمان والناي مثلًا
بس تعالوا نفترض دلوقتي إننا معانا جيتار، وعايزين نتعلم في القاهرة
نروح فين؟
هو ده إللي هنقولهولك النهارده على (قالك فين دوت كوم)
اماكن تعليم الجيتار والالات الموسيقى في القاهرة
الحقيقة القاهرة مليانة بأماكن ومراكز تعليم الموسيقى
وهتلاقي في كُل مكان من الأماكن إللي هنرشحها ليك هنا أو حتى غيرها
ناس مميزة جدًا، لأن مصر حقيقي مُبدعه جدًا في المجال ده
خاصة الشباب
وعشان كده مش صعب أبدًا إنك تلاقي مكان قريب منك في القاهرة
تتعلم فيه جيتار أو حتى أي الة موسيقية تانيه
ولكن خلينا نبدأ من أفضل الأماكن
ساقية الصاوي أفضل مكان لتعليم الجيتار في الدقي – الجيزة
ساقية الصاوي موقعها هو الزمالك ولكن أقرب محطة مترو ليها تقريبًا هي محطة الدقي
فهو موقعها مميز جدًا لو أنت في المُحيط ده
وحقيقي هي تستاهل إنك تروحلها من أي مكان في القاهرة أو الجيزة
لأنها مش مكان لتقديم الحفلات الموسيقى والندوات الثقافية بس
لكن ساقية الصاوي من 2004 لحد دلوقتي بتقدم مجموعة ورش رائعه في كُل المجالات تقريبًا
زي (التمثيل – الغنا – المزيكا) وغيرها كتير
وكل مجال بيقدمه شخص مُبدع حقيقي في المجال ده
وهناك ممكن تتعلم كل الالات الموسيقى تقريبًا مش بس الجيتار
ودي بعض المعلومات عن المكان لو قررت خلاص إنك هتتعلم جيتار هناك:
- العنوان : محور 26 يوليو، الجبلاية، الزمالك، محافظة القاهرة
- رقم تليفون للتواصل : 01000999995
- مواعيد العمل : كل يوم من 10 صباحًا لـ 11 مساءًا
- عشان تدخل موقعهم الرسمي (دوس هنا)
- عشان تدخل صفحتهم على الفيس بوك (دوس هنا)
- سعر ورشة تعليم الجيتار في ساقية الصاوي : الحقيقة السعر بيكون متغير من فترة للتانية لكن المتوسط بيكون حوالي 250 جنية شهريًا
معهد القيثارة لتعليم الجيتار في القاهرة – مصر الجديدة – المعادي
معهد الثيتارة هو واحد من أهم معاهد تعليم الموسيقى في القاهرة
هو واحد من اقدم معاهد الموسيقى في مصر
وممكن هناك تتعلم آلات كتير منها الجيتار إللي تكلفته شهريًا بتكون حوالي 150 جنية بس!
على أيد عازفين مُحترفين كمان والجميل في الموضوع أن التعليم هناك بيكون فردي مش مجموعات
وده شيء بيفتقده أماكن تانيه كتير
ودي بعض المعلومات عن المكان لو حابب إنك تتعلم العزف على الجيتار هناك:
- عنوانهم : 35 ش الجيزة، البستان، قسم مصر الجديدة، محافظة القاهرة
- رقم التليفون : 0222588926
- العنوان على جوجل ماب (دوس هنا)
- للدخول على صفحتهم على الفيس بوك (دوس هنا)
مُلخص ..
الحقيقة أن المكانين دول هم أفضل مكانين ممكن تدرب وتتعلم فيهم
آلة الجيتار في القاهرة حاليًا
طبعًا في أماكن كتير مميزة، لكن المكانين دول أهم ما يميزهم إنك ممكن تروح تتعلم هناك
أي كان عُمرك سواء كبير أو صغير
غير اماكن تانيه كتير بتشترط سن مُعين عشان سهولة الاستيعاب
وكمان دول سعرهم مناسب للجميع ..
أنت لو عندك مكان حابب ترشحه قولهولنا في التعليقات
ولو عندك أي سؤال يخص الأماكن أو حابب نرشحلك مكان اسألنا في التعليقات وهنرد عليك بمقال كامل.
تعليق واحد