أفضل أماكن ركوب الخيل في القاهرة
الفروسية وركوب الخيل حاجه ممتعة جدًا، لو فكرت في يوم إنك عايز تجرب
وجه في دماغك، إنك متعرفش مكان وكسلت، يبقى إنت في المكان الصح
لاننا هنعرفك في المقال ده على أجمد أماكن لركوب الخيل في القاهرة
وبأسعار رخيصة جدًا كمان، يعني هتركب ببلاش (على رأي عادل إمام)
كُل إللي عليك إنك تقرأ المقال للآخر، وإنت أكيد هتستفيد
أفضل أماكن ركوب الخيل في القاهرة بسعر كويس
طبعًا لو حد قالك، أن في مكان كويس لركوب الخيل
هتتخيل أنه غالي جدًا وأنه أكيد بعيد
بس لأ في أماكن كويسه جدًا، سعرها معقول
زي أول مكان
الزهراء لتربية الخيول
الحقيقة إحنا بنرشح المكان ده كـ أول مكان لأنه قريب جدًا من بيجي =D (ابقى تعااشباي)
الزهراء لتربية الخيول هو مش بس مكان ممكن تركب خيل فيه، ولكن هو كمان بيقدملك دورات تدريبية
وبيعلمك رياضة الفروسية على مساحة خضراء حوالي اتنين فدان
وكمان ممكن تاخد دورة في الرياضة دي حصتين في الأسبوع بسعر 550 جنية بس
وده سعر كويس جدًا على فكرة مقابل إللي هتشوفه في المكان
معلومات عن المكان:
- عنوان المكان : أول شارع أحمد عصمت من جهة جسر السويس – عين شمس
- تقيم المكان 4.4 من 5 نجوم
- مواعيد العمل : يوميًا من 7 صباحًا لـ 11 صباحًا
- رقم التليفون الخاص بالمكان : 0222983733
نزلة السمان
أكيد مش هنكتب مقال عن ركوب الخيل من غير ما نتكلم عن نزلة السمان
إللي بيعتبر واحد من أشهر الأماكن السياحية إللي ممكن فيه
تركب خيل أو حتى جمال، طبعًا الوصول للمكان سهل
وهتلاقي اسعار كتير هناك ومتفاوته جدًا
ودي بعض المعلومات عن المكان:
- العنوان : نهاية شارع الهرم
- الاسعار : بتبدأ من 50 جنية للساعة تقريبًا والوضع مُختلف طبعًا بالنسبة للسياح بتكون أغلى سيكا
- المكان مشهور جدًا، وهتلاقي هناك سياح من كُل مكان في العالم تقريبًا
Egyptian Riding School لركوب الخيل في القاهرة
المدرسة المصرية للفروسية هي واحدة من أقدم الأماكن إللي بتقدم ركوب الخيل بشكل إحترافي في مصر
الموضوع مش بس بيتوقف على ركوب الخيل وتدريبك على الفروسية
ولكن بندخل في جُزء إحترافي شوية زي نط الحواجز وغيرها
المكان مُمتع جدًا، رغم أنه أغلى شويتين من الأماكن التانية المذكورة، بس حقيقي الموضوع يستحق
معلومات المكان:
- رقم التليفون للتواصل: 01001044338
- للدخول على صفحتهم على الفيس بوك اضغط (هنا)
- الاسعار حوالي 300 جنية للرحلة أو 2000 جنية شهريًا 10 حصص
- للدخول على العنوان عبر خرائط جوجل اضغط (هنا)
- تقيم المكان 4.5 من 5 نجوم
Horse kind Cairo- Riding Adventures لركوب الخير في القاهرة
ناس كتير من إللي جربوا أكتر من مكان
بيقولوا أن ده أجمد مكان لركوب الخيل في مصر كلها مش بس في القاهرة
لأنه مكان إحترافي جدًا، وهو شراكة مصرية بريطانية، في مكان هناك مُخصص للمحترفين
ومكان للهواه والمتدربين، المكان مش بس بيعلمك ركوب الخيل، لكن بيبني علاقة بينك وبينه
قبل التدريب، زي أنه يخليك تأكله أو حتى تحميه عشان ياخد عليك قبل ما تبدأ تدريب
معلومات عن المكان:
- صفحتهم على الفيس بوك (من هنا)
- رقم التليفون الخاص بيهم : 01207362425
- لينك العنوان على خرائط جوجل (هنا)
مُلخص
وبكده نكون اتكلمنا تقريبًا عن افضل أماكن ممكن تركب خيل فيهم في القاهرة
ولو عندك مكان شايف أنه كان يستحق يكون في المقال
اكتبلنا اسمه في التعليقات
ومتسناش بعد كده أي حد يسألك على مكان متعرفهوش أوعى تقوله قالك فين
لكن قوله ادخل على قالك فين دوت كوم وهنقوله إحنا
