أماكن للتسوق

ارخص مكان لبيع الايفون في مصر

ارخص مكان لبيع الايفون في مصر

دايمًا لو جت سيرة إنك عايز تجيب أي ايفون مستعمل، هتلاقي واحد كده

طلع مره واحده يقولك (متشتريش ايفون مستعمل)

فتسأله ليه:

فيقولك: (متشرتيش ايفون مستعمل أنا حذرتك)

ومع تكرار سؤال، هيكرر نفس الإجابة، والحقيقة، أن مفيش سبب

بالعكس، انت لو مُضطر تشتري موبايل مُستعمل، انسب حاجه ليك هتكون الايفون

لمميزات كتير جدًا، مش هتلاقيها في أي موبايل أندرويد، زي:

  • هتكون ضامن أنه مش مسروق
  • سهل جدًا تكشف عليه قبل ما تشتريه
  • جودة البطارية هتكون ظاهرك قدامك في الإعدادات
  • والأكيد أنه هيكون مستقر ومش هيهنج زي أي موبايل اندرويد تاني ممكن تجيبه مستعمل

ولأن ده مش مقال تقني، ولأننا مش ناس بتوع تقنية، إحنا ناس هلسجية بنرشح أماكن

خلينا نرشحلك أفضل اماكن ممكن تشتري منها موبايل ايفون مستعمل في مصر.

ارخص مكان لبيع الايفون في مصر
ارخص مكان لبيع الايفون في مصر

ارخص مكان لبيع الايفون في مصر مستعمل

عشان تجيب ايفون مستعمل عندك خيارات كتير

في البداية هتلاقي المحلات الكبيرة زي:

  • ميلان ستور
  • الجوكر ستور

إللي بيبعوا ايفونات جديدة، بيقدموا برضه موبايلات مستعمله بسعر كويس

وهيكون عندك خيار إنك تشتريه من أولكس، بشرط إنك تاخد الراجل إللي هتشتري الجهاز منه

وتروحوا تكشفوا على الجهاز في أي مكان، قبل ما تدفع اي جنية

ارخص مكان لشراء ايفون في جديد في مصر

طبعًا كُلنا عارفين أن اسعار الايفون في مصر بتكون متفاوته جدًا

في أماكن زي تريدلاين مثلًا

 الوكيد المُعتمد بتاع ابل بيكون غالي جدًا

وممكن تشوف اسعاره من الموقع بتاعهم (من هنا)

وبعديه على طول هتلاقي باسعار مُتشابهه شركات الاتصالات المصرية زي:

  • فودافون
  • اتصالات

إللي برضه بيبعوا مُنتجات ابل بما فيها الأيفون بسعر غالي شوية عن باقي المحلات

لكن هنا بتكسب ضمان من الوكيل، وده شيء مُهم شويتين

لكن لو الموضوع مش فارق معاك

ممكن تشتريه من المتاجر إللي قولنا عليها في الفقرة إللي فاتت زي:

  • ميلان ستور
  • الجوكر ستور

إللي بيقدموا الموبايل للبيع بسعر أقل كتير

وممكن تشتريه اون لاين برضه من مواقع التسوق زي (نون – سوق – جوميا)

وممكن تعرف أقل سعر من خلال موقع (برايسنا) إللي بتكتب فيه اسم المُنتج

وبيجيبلك أقل سعر معروض بيه فين

اسعار الايفون جديد في مصر

زي ما قولنا الأسعار متفاوته جدًا بالنسبة للايفون في مصر

ولكن افضل طريقة عشان تعرف السعر هي أون لاين طبعًا، بدل ما تنزل تلف في المحلات

لو عايز تشتري جديد مثلًا

ممكن تشوف السعر من خلال:

  • فودافون شوب – لزيارة الموقع اضغط (هنا)
  • اتصالات اون لاين شوب – لزيارة الموقع اضغط (هنا)
  • بي تك – لزيارة الموقع اضغط (هنا)
  • تريدلاين – لزيارة الموقع اضغط (هنا)

وطبعًا لو عايز تعرف سعر أي موبايل مُستعمل أكيد

مش هنلاقي أفضل من موقع اولكس إللي ممكن تدخله لما تدوس (هنا)

في النهاية ..

نتمنى نكون وفقنا في الإجابة على اسألتك، ومتنساش لو حد سألك على أي مكان متعرفوش

متقولوش قالك فين، ولكن قوله ادخل (قالك فين دوت كوم)

اترك رد

زر الذهاب إلى الأعلى