افضل منطقة للسكن والاستقرار في الغردقة
مفيش شك أن مدينة الغردقة واحدة من أجمل المُدن المصرية
والسكن فيها فِكرة بتيجي لينا من حين لآخر، لكن دايمًا المانع هو إننا
منعرفش كتير عن الغردقة أصلًا ولا الحياة فيها، وعشان كده قررنا في (قالك فين دوت كوم)
نكتبلكم المقال ده إللي هنعرفكم فيه عن أفضل أماكن ممكن تعيش فيها في الغردقة
وايه الخدمات إللي هتحصل عليها في كُل مكان
اسعار إيجار الشقق في الغردقة بغرض السكن
الحقيقة المجهولة بالنسبة لكتير مِننا، أن أي مكان بعيدًا عن القاهرة
هيكون أرخص منها كتير، ولو أجرت مثلًا شقة بـ 3000 جنية لـ 5000 جنية في القاهرة
تقدر تاخد أحسن منها كتير في أي مدينة بعيدًا عن القاهرة
وبما فيهم الغردقة
وطبعًا بتكلم هنا عن إيجار المُدد الطويلة بعيًدا عن الاسبوع أو الاتنين بتوع المصايف
لو دخلت على أي موقع من المواقع إللي بتتيح شقق للإيجار هتتفاجئ من الاسعار فعلًا
والفرق الكبير بينها وبين القاهرة
يعني مثلًا، لو بنتكلم عن شقة لفردين، ممكن تاخد شقة مفروشة بالكامل بـ 2000 جنية بس في الشهر
وده مبلغ صغير جدًا! بالمقارنة مع الأرقام إللي بنشوفها دلوقتي
أفضل أحياء الغردقة للسكن والاستقرار فيها
وإحنا بندور ونسأل عشان نكتبلك معلومات دقيقة
شُفنا عدد كبير جدًا من الناس بتسأل عن شقق للإيجار في حي الهلال
إللي لما سألنا عرفنا أنه واحد من أفضل الأماكن إللي مُمكن تسكن فيها في الغردقة
والأسعار فيه مش عاليه كمان
وعشان نسهل عليكم الطريق أكتر وأكتر جيبنالكم
صفحة فيس بوك للغردقة بتتكلم عن شقق للإيجار ومميزات كل مكان
وده هيوفر عليك كتير، خاصة وإنها مُتجدده باستمرار
للدخول للصفحة (اضغط هنا)
مميزات الحياة والاستقرار في الغردقة
في بوست مشهور أوي على الفيس بوك وهو (نار الغردقة، ولا جنة القاهرة)
بوست ساخر بيوصف فيه الناس حُبهم لروقان الغردقة بالمقارنة مع القاهرة
وده لأن الغردقة بغض النظر إنها مدينة سياحية خُرافية وتم تصنيفها ضمن أفضل 25 وجهة سياحية في العالم
إلا إنها مدينة رائعة جدًا بِكُل تفاصيلها
وممكن تعرف أكتر عنها من خلال الفيديو ده إللي بيوصل الغردقة بالتفصيل
وأفضل الشوارع والأحياء هناك
في النهاية ..
أتمنى يكون المقال مُفيد بالنسبة ليكم ..
ومتنسوش لما يجيلكم حد في الغردقة يسألكم على مكان متكونوش عارفيه
مقولوش قالك فين لكن قوله ادخل (قالك فين دوت كوم)
