افضل 3 اماكن لشهر العسل رخيص
افضل مكان لشهر العسل رخيص ونضيف وشامل خدمات كتير، كل اللي عليك إنك تركز في الكلام الجاي دا لو انت داخل على جواز، وفر على نفسك مصاريف كتير، هنقولك الخلاصة سواء كنت محتاج أماكن لشهر العسل للصيف أو للشتا ومعاك خريف وربيع كمان على السكة، يلا بينا نبدأ في أهم المعلومات اللي ممكن تحتاجها عن أماكن شهر العسل.
واحة سيوة
واحة سيوة من الأماكن اللي ممكن تاخدك في عالم تاني خالص، يعني لو هتتجوز في الشتا مينفعش تعمل أي حاجة غير إنك تروح سيوة، يعني الهدوء والراحة والأماكن المختلفة اللي تبقى محتار تقضي يومك فيها ولا في غيرها كمان، المكان هناك خيال لو انت مخطط لرحلة مثلً تلات أيام مستحيل تقدر تقاوم الوضع هناك وتمشي، هتلاقي فنادق بخدمات ممتازة، مطاعم رهيبة وأكلات مفيش زيها أبدًا‘ غير بقى السفاري والسباحة والذي منه، لو هتروح واحة سيوة يبقى انت اخترت صح.
معلومات عن واحة سيوة
- العنوان: واحة سيوة في مرسى مطروح، تبعد عن ساحل البحر المتوسط تجاه الصحراء الغربية بحوالي 300 كم.
- الدخول على موقع واحة سيوة على الخريطة من هنا.
- مواعيد الزيارة: متاحة على مدار السنة خاصة في رحلات الشتاء
- فيها مزارات مختلفة زي معبد الوحي، معبد آمون، جبل الدكرور، عين كليوباترا، التزلج في بحر الرمال الأعظم في رحلة السفاري، وأماكن سياحية كتير.
- سعر الغرفة ممكن يبدأ من 900 جنيه في الليلة.
سهل حشيش
سهل حشيش دا بقى حكاية تانية يمكن تسمعها بس لو انت هتتجوز في فصل الصيف بس، ليه الصيف بس؟ تعالى أقولك، أصل دا منتجع سياحي شامل مليان مناظر طبيعية خلابة، هتعيش الرومانسية بكل ما فيها في في المكان دا بكل المقاييس، فنادق ومطاعم وشواطئ وحاجات كتير بقى جرب وشوف بنفسك.
معلومات عن سهل حشيش
- العنوان: يقع على بعد حوالي 18 كم من الغردقة، يطل على ساحل البحر الأحمر.
- الدخول على موقع سهل حشيش على الخريطة من هنا.
- مواعيد الزيارة: متاح طول السنة، خاصة في فصل الصيف.
- رحلات بحرية، غواصات زجاجية تحت البحر وغوص مع غواص خاص لو كنت غير مدرب على الغوص، الخروج في نزهة على الجزيرة، وغير ده كتير.
- سعر الغرفة ممكن يبدأ من 500 جنيه في الليلة.
بساطة
مخيم بساطة دي بقى جو تاني من البساطة والهدوء والاسترخاء، يعني أجازة سعيدة من الآخر، جو رومانسي يليق بشهر العسل، مع الطبيعة البدوية اللي تخليك حاسس كأنك في عالم موازي، أيوه دا حقيقي وكمان مش مهم تروح في الصيف ولا في الشتا المهم إنك هتستمتع بالجو دا جدًا وهتنسى أي حاجة تانية، ممكن تعمل يوجا وتنزل البحر وجو خيام وبدو وحاجة كده وهم.
معلومات عن بساطة
- العنوان: يقع في سيناء على طريق طابا نويبع، ويطل على البحر الأحمر.
- الدخول على موقع مخيم بساطة على خريطة جوجل من هنا.
- مواعيد الزيارة: طول السنة في الصيف والشتاء، مناسب لكافة الأجواء.
الخلاصة
إحنا كده وضحنا افضل مكان لشهر العسل رخيص وجميل ومميز للإجازة المميزة دي، واحة سيوة وسهل حشيش ومخيم بساطة، وهنشوف في تعليقاتكم أي أماكن تانية جربتوها أو تحبوا تعرضوها، أجازة سعيدة، ومبروك مقدمًا.
تعليق واحد