أماكن للخروج

أفضل اماكن خروج في التجمع الخامس – مختلفه وبأسعار مناسبة للجميع

أفضل اماكن خروج في التجمع الخامس

التجمع الخامس من أرقى الأماكن في القاهرة، واهداهم، وغالبًا في الخروجات بيكون الخيار الأول للخروج هو المطاعم أو الكافيهات، ولكن مع الوقت بنمل، وبنكون عايزين أماكن جديدة نخرج فيها، حتى لو هيكون من بينها مطاعم وكافيهات برضه، لكن تكون مُختلفه شوية، أو مميزة عن التقليدي، وعشان كده بنكتبلكم المقال ده النهارده، إللي هنرشحلكم فيه مجموعة من أفضل الأماكن إللي ممكن نخرج فيها في منطقة التجمع الخامس.

أفضل اماكن خروج في التجمع الخامس - مختلفه وبأسعار مناسبة للجميع
أفضل اماكن خروج في التجمع الخامس – مختلفه وبأسعار مناسبة للجميع

أفضل كافيهات ومطاعم للخروج في التجمع الخامس

الكافيهات والمطاعم في التجمع الخامس كتير جدًا، وهو الخيار الأول دايمًا للخروج هناك، وعشان كده كان لازم، قبل ما نرشح أي أماكن تانيه للخروج، نرشحلكم المطاعم والكافيهات الأفضل حسب اراء سُكان التجمع الخامس بنفسهم، جاهزين نعرف الأفضل؟

بورتي كافيه – من أفضل كافيهات التجمع الخامس

أي حد غاوي كافيهات هيكون عارف Pottery café لأنه واحد من الأسماء المشهوره جدًا، وله فروع كتير جدًا في مصر، وأكيد هو واحد من أفضل 10 كافيهات في مصر على الإطلاق، ومن فروع الكافيه المشهورة جدًا، فرع التجمع الخامس، المميز جدًا بنكهات الشيشة القوية جدًا، وبالهوت شوكليت، وكمان أن رغم الخدمة المميزة إللي بيقدمها، إلا أن اسعاره مش غاليه، بالإضافة للديكور التحفة إللي بيغلب عليه الألوان الغامقة، وعلى الرغم من كده مُريح جدًا نفسيًا.

معلومات الوصول والتواصل مع بورتي كافيه

  • عنوان بوتري كافيه : داخل مجمع Meeting Point في نهاية شارع التسعين – أمام جامعة المستقبل مباشرة – التجمع الخامس
  • تقيم المكان : 4 من 5 نجوم
  • رقم التليفون : 0227357974
  • مواعيد العمل : شغال على مدار 24 ساعة
  • للدخول على صفحتهم على الفيس بوك (دوس هنا)

برجر كينج – من أشهر مطاعم التجمع الخامس

برجر كينج واحد من أشهر مطاعم الأكل السريع في العالم، وأشهر وأفضل برجر ممكن تحصل عليها على الإطلاق، فـ لو مجربتش فرع التجمع الخامس، فأكيد لازم تروح وتجرب البرجر هناك مره، وعشان كده بنرشحهولك كـ أول خيار في فئة المطاعم في المقال ده.

معلومات الوصول والتواصل مع برجر كينج

  • عنوان برجر كينج : 66 متفرع من شارع التسعين التجمع الخامس (داخل محطة بنزين امارات مصر)
  • التقيم 3.9 من 5 نجوم
  • رقم التليفون : 0224886943
  • مواعيد العمل : كل يوم من 10 الصبح للساعة 2 بعد منتصف الليل
  • للدخول على موقع برجر كينج (دوس هنا)

كافية ليالي التجمع – من أفضل كافيهات التجمع الخامس للخروجات العائلية

ليالي التجمع مش بس كافية بيقدم خدمة مميزة مفتوح على مدار 24 ساعة، ولكنه برضه بيقدم مجموعة من أفضل الأطباق العربية إللي ممكن تلاقيها في التجمع على الأطلاق، زي:

  • الأكل السوري
  • الأكل اللبناني
  • والأكل المصري

الكافية بيتفنن فعلًا في تقديم الأطباق العربية في أفضل شكل مُمكن، بالإضافة لأنه هادي جدًا، عيبه الوحيد أنه ممكن يكون غالي شوية بالنسبة للمتوسط.

معلومات الوصول والتواصل مع كافيه ليالي التجمع

  • العنوان : التجمع الخامس شارع 90 الشمالي خلف الداون تاون و امام شركه نسله مول سيلفر ستار
  • رقم التليفون : 01093333394
  • تقيم المكان : 4 من 5 نجوم
  • مواعيد العمل : شغال على مدار الـ 24 ساعة

مطعم ووك آند واك – أفضل مطعم أكل اسيوي في التجمع الخامس

مطعم واوك أند واك هو مطعم من أشهر المطاعم إللي بتقدم أكل اسيوي في التجمع الخامس، ويمكن في القاهرة كلها، المكان مميز جدًا، ولو بتحب الأكل الاسيوي أظن أنك هتكون مبسوط جدًا، وأنت بتزور المكان ده، وبتخرج فيه، لأن فعلًا الخدمة هناك مميزة جدًا، وأكيد هتعجبك.

معلومات الوصول التواصل مع مطعم ووك اند واك

  • العبور, متفرع من شارعع التسعين – التجمع الخامس – داخل مول بوينت 90 (الدور التاني)
  • مواعيد العمل : كل يوم من 10 الصبح لـ 1 بعد منتصف الليل
  • رقم تليفون المطعم : 01021800909
  • تقيم المكان : 3.7 من 5 نجوم.
  • للدخول على صفحة المطعم على الفيس بوك (دوس هنا)

كوفي شوب كومباني – أفضل خروجة لكافية في التجمع

كومباني كوفي شوب هو واحد من الكافيهات إللي بتديك شعور بالروقان، أنك رايح هناك عشان تفصل عن دوشة الحياة والشغل، بألوانه وديكوراته المُريحه، والخدمة المميزة جدًا إللي بتاخدها من المكان، وحتى المزيكا الهادية إللي بتشتغل هناك غالب الأوقات، كُل ده هيديك شعور بالروقان والهدوء هيخليك مُستمتع جدًا.

معلومات الوصول والتواصل مع كوفي شوب كومباني

  • العنوان: القطعة A – شارع التسعين – مركز المدينة – التجمع الخامس
  • رقم التليفون : 01006770400
  • تقيم المكان : 4.3 من 5 نجوم
  • للدخول على صفحة المكان على خرائط جوجل (دوس هنا)

إنديا جيت – أفضل مطعم أكل هندي في التجمع الخامس

طبعًا كُلنا من عشاق الأكل الهندي، والتوابل الهندية، وعشان كده كان لازم في قائمتنا دي، يكون من ضمنها مطعم أكل عندي مميز زي إنديا جيت، إللي يعتبر من أهم وأكبر المطاعم اللي بتقدم الأكل الهندي في التجمع والقاهرة، المطعم معروف جدًا، وله فروع في مصر كلها، ولكن فرع التجمع الخامس غيرر.

معلومات الوصول والتواصل مع مطعم India Gate

  • العنوان : داخل دريم مول – التجمع الخامس
  • التقيم : 3.8 من 5 نجوم
  • رقم التليفون : 01210443058
  • مواعيد العمل : كل يوم من الساعة 1 الضهر للساعة 12 بليل
  • للدخول على صفحة المطعم على الفيس بوك (دوس هنا)

أماكن خروج مختلفه في التجمع الخامس

بعد ما اتكلمنا عن أفضل مطاعم وكافيهات ممكن تخرج فيها داخل التجمع الخامس، دلوقتي جه دور باقي الأماكن إللي ممكن تروحها، زي أفضل سينما .. أفضل مول وغيرها

ده كله هنرشحهولك في المقال ده، وخلونا نبدأ مع أول مكان وهو:

BreakOut Egypt مكان مختلف وممتع للخروج في التجمع الخامس

المكان ده للناس إللي بتحب الأماكن المُختلفه، المكان مشوق جدًا، هو عبارة عن لعبة، وهو أن بيتم اتحجازك في مكان، على شكل سجن أو مقبرة أو غيرها، وإنت لازم تدور على حل لغز عشان تعرف تخرج، الموضوع ممتع جدًا، ومختلف، خاصة لو انتوا مجموعة مع بعض هتستمتعوا جدًا جدًا.

معلومات الوصول والتواصل مع BreakOut Egypt

  • العنوان : للدخول على صفحة المكان على خرائط جوجل (دوس هنا)
  • للدخول على صفحة المكان على الفيس بوك (دوس هنا)
  • مواعيد العمل : كل يوم من الساعة 12 الضهر للساعة 1 بعد منتصف الليل
  • رقم التليفون : 01210529695

سينما بوينت 90 – أفضل سينما للخروجات العائلية في التجمع الخامس

سينما بوينت 90 هي أفضل سينما ممكن تروحها في التجمع الخامس، من نحية الأفلام إللي بتعرضها أو من نحية الخدمة والراحة إللي هتحس بيها هناك، هي فعلًا هتقدملك أفضل تجربة (سينما) ممكن تروحها في التجمع، ودايمًا بتعرض عدد كبير من الأفلام المميزة سواء العربية أو الأجنبية، ومكانها مميز وسهل الوصول ليها.

معلومات الوصول والتواصل مع سينما بوينت 90

  • العنوان : شارع 90، مول بوينت 90 أمام الجامعة الأمريكية بوابة 5 – التجمع الخامس
  • رقم التليفون : 01289300032
  • تقيم الكان : 4.3 من 5 نجوم
  • للدخول على صفحة المكان على موقع السينما كوم (دوس هنا)
مُلخص

بكده نكون اتكلمنا عن أفضل الأماكن إللي ممكن تروحها في التجمع الخامس، طبعًا في أماكن كتير تاني مميزة، ولكن هنحتاج مساعدتكم، وتقولوا لينا في التعليقات ايه الأماكن إللي تستحق إننا نضيفها للمقال، وهنضيفها فورًا، ومتنساش لو عايز تسأل عن أي مكان تعالوا واسألنا في موقع قالك فين دوت كوم

اترك رد

زر الذهاب إلى الأعلى