ازاي اروح الساحل الشمالي من القاهرة مواصلات – (مُجاب عنه)

ازاي اروح الساحل الشمالي من القاهرة مواصلات – إليك الإجابة يا تااايه

تخيل معايا إنك نزلت دلوقتي رمسيس، وقابلت راجل طيب ماشي كده فـ قولتله:

“قولي يا حاج، ازاي اروح الساحل الشمالي مواصلات” أول حاجه هيقولهالك: (قالك فين)

بالظبط وده اسم موقعنا إللي هيعرفك إزاي تروح الساحل الشمالي من القاهرة

ومن أي مكان فيها، جاهز؟

ازاي تروح الساحل الشمالي من القاهرة مواصلات بالسوبر جيت

الموضوع بسيط خالص

هتفتح موقع شركة السوبر جيت الانسب لك من بين بلو بص أو جو أو غيرها

أو موقع سوبر جيت كايرو (من هنا) هتلاقي مكتوب عندك مواعيد وأسعار الرحلات لمارينا

وببتتراوح الأسعار من 130 لـ 250 جنية على حسب ميعاد الرحلة

وطبعًا هتلاقي أماكن كتير للتحرك على حسب الشركة مِنها رمسيس طبعًا وهي محطة المواصلات الأشهر في مصر

ازاي تروح الساحل الشمالي من القاهرة بسويفل – Swvl

للي ميعرفش سويفل هي شركة نقل جماعي متطورة لها تطبيق خاص على كُلٍ مِن

• جوجل بلاي
• وأبل ستور

ومن خلالها تقدر تروح أماكن كتير بمواعيد مُنتظمة ومواصلة مُريحة جدًا ومُكيفة

كل إللي عليك تعمله إنك تنزل التطبيق من (هنا) لو أنت من مُستخدمي أندرويد

أو من (هنا) لو أنت من مستخدمي ايفون

بعد ما تحمله هتحدد وجهتك إللي هي الساحل الشمالي

ومن القاهرة تقدر تركب سويفل للساحل من المناطق دي:

• سفارة الإمارات
• ميدان لبنان

والجميل أن سويفل بتعمل خصومات بشكل دائم، وده هيخليك تاخد الرحلة بأقل من سعر الميكروباص العادي

أو نفس السعر في اسوأ الأحوال.

ازاي تروح الساحل الشمالي بكريم باص  Careem Bus من  القاهرة

كريم باص كمان من الخدمات المريحة جدًا إللي ممكن تروح بيه للساحل الشمالي من القاهرة

وهنستخدم معاه نفس الطريقة بتاعة سويفل هنحمل التطبيق ونحدد وجهتنا الساحل الشمالي

وهو هيقولك اقرب مكان ليك ايه، ممكن من خلاله تركب كريم

ودي لينكات تحميل تطبيق كريم باص للموبايل:

• لمستخدمي اندرويد اضغط (هنا)
• لمستخدمي ابل اضغط (هنا)

وبكده يا صديقي بقى عندك أكتر من وسيلة مُريحة ممكن بيها تروح الساحل الشمالي مواصلات من أي مكان في القاهرة

وكمان وسائل مريحة جدًا، وأوفر من المواصلات العادية

وخليك فاكر، بعد كده لو حد سألك على مكان متعرفوش، متقلوش (قالك فين) لكن قوله 2allk-fen.com وسينا إحنا نقوله بنفسنا