أماكن السهر في الغردقة – الحياة الليلية في الغردقة
الغردقة واحدة من أجمل المُدن المصرية، وواحدة من أفضل 25 وجهة سياحية في الالم
ومن الطبيعي إننا ندور على أماكن للسهر في مكان جميل زي ده
لأن أكيد السهر فيها هيكون مُمتع ومختلف جدًا
وعشان كده قررنا نكتبلك المقال ده عن أجمل أماكن تسهر فيها في الغردقة
وتعيش تجربة الحياة الليلية المُمتعة هناك.
أماكن السهر في الغردقة – ايه أفضل مكان تسهر فيه بليل؟
الحقيقة أن الغردقة مليانه أماكن كتير للسهر ..
والحياة الليلة فيها هي تجربة تستحق السفر فعلًا
الناس كُلها هناك بتحب الخروج والسهر بليل، وفي أماكن بتبقى حلوه جدًا
زي الأماكن إللي هنذكرها ليك دلوقتي دي
الممشي السياحي – للسهر بليل في الغردقة
الممشي السياحي هو واحد من أشهر شوارع مدينة الغردقة
وهو شارع مليان مطاعم وكافيهات، تقدر تروح فيه بليل تتمشى أو تركب عجل
أو حتى تجري أو تقعد تتفرج على ده كله
أو حتى تتدخل مطعم أو كافية وتقضي وقت حلو هناك
بالإضافة للمنظر الخلاب جدًا للصحرا، وممكن تجرب تاكل الأكل البدوي هناك برضه
الشارع والأنشطة إللي بتتم فيه مُبهجه جدًا
يستحق التجربة.
قرية ألف ليلة وليلة – لقراءة سهرة ليلة في الغردقة
قرية ألف ليلة وليلة هي واحدة من أجمل الاماكن إللي ممكن تسهر فيها
مع عيلتك وأولادك ليلة متتنسيش
من أجمل الحاجات إللي ممكن تشوفها في القرية (المسرح الكبير)
اللي ممكن تشوف فيه عروض عن القصص الشعبية زي الف ليلة وليلة وفتاة النيل
وقصص من قصص الفراعنة
بالإضافة لأن داخل قرية ألف ليلة وليلة بيتم تنظيم رحلات سفاري في الصحرا
ودي بتبقى من الأنشطة الممتعة جدًا، وإللي صعب تتنسي.
منتجع سوما باي – لسهرة ليلية لذيذة فاجرة جدًا
هو الحقيقة لو روحت سوما باي مش هتلاقي فيلا أ. شهدي
لكن هتلاقي حاجات (لذيذة فاجرة جدًا) فعلًا
لأن منتجع سوما باي هو واحد من أفضل المُنتجعات إللي ممكن تمارس فيها الغوض مثلًا
لأن المُنتجع مُحاط بالماية من كُل مكان
بالإضافة لـ لرؤية الشعب المرجانية
وتقضية وقت من الهدوء والاسترخاء.
في النهاية ..
دي الأماكن إللي بننصحك بيها لو عايز تقضي وقت مُمتع بليل في الغردقة
إنت بقى قولنا، ايه أفضل مكان تحب تسهر فيه في الغردقة؟
ومتنساش لو حد سألك على مكان متعرفوش، أوعى تقوله قالك فين، لكن قوله (قالك فين دوت كوم)
