اماكن تعليم كروشيه فى القاهرة
الكروشيه والاشغال اليدويه مش بس مهنة
لكن هي موهبة وهواية ممتعة جدًا، كتير من البنات بيدوروا على إنهم يتقنوها
عشان يسلوا وقتهم ويطلعوا إبداعهم فيه
ولكن دايمًا بيبقى في عائق وهو سؤال (هنتعلم فين؟) وطبعًا لو سألتي في الشارع
هيتقالك الإجابة المشهورة جدًا وهي (قالك فين) هو مش بيسألك
المره دي هو بيقولك أن هتلاقي إجابتك على موقعنا (قالك فين دوت كوم)
وفي المقال ده بالتحديد هتلاقي إجابتك لإننا هنجاوبك وهنقولك عن
أفضل أماكن تعليم كروشيه في القاهرة
أول مكان بنرشحه دايمًا، لأنه بيقدم حاجات كتير فعلًا ..
وكل حاجه بيقدمها بيقدمها بإحترافية كبيرة، وعلى إيد مُدربين محترفين
وهو:
ساقية الصاوي – أفضل مكان لتعليم الكروشيه في الزمالك – القاهرة
ساقية الصاوي زي ما قولنا هو واحد من أجمد الأماكن إللي ممكن تزوها
والمفاجأة إنك ممكن تتعليم الكروشيه والتريكو هناك بأسعار رمزية جدًا
لأن هدف المكان الأول هو انه يعلمك مش أنه يكسب منك
ده كله وإنت قاعد في قعدة تحفة على النيل وبتسمع موسيقى مُبهره من فرق الأندرجراوند إللي بتلعب هناك
وعشان كده ساقية الصاوي هي أفضل مكان
ودي بعض المعلومات عنها عشان لو حبيت تتعلم هناك:
- العنوان : تحت كوبري 26 يوليو – الزمالك – القاهرة
- رقم تليفون ساقية الصاوي : 01000999995
- مواعيد العمل : كل يوم من 10 الصبح لـ 11 بليل
مركز فنون لتعليم الكروشية والاشغال اليدويه
مركز فنون هو واحد من المراكز القديمة جدًا في المجال ده
وإللي شغال وبيعلم الناس من 2015 تقريبًا
ولحد النهارده بيعملوا ورش شهرية للتعليم، والحقيقة أنه مركز إحترافي جدًا
ومن أجمد المراكز إللي ممكن تتعلم فيها فعلًا
ودي بعض المعلومات عن المكان عـ لو قررت تتعلم هناك:
- لينك صفحتهم على الفيس بوك (دوس هنا)
- رقم التليفون أو الواتساب : 01140057966
- المركز يقبل الأطفال من سن 10 سنوات.
هي دي المراكز إللي بنرشحهالك
إنت قولنا في التعليقات ايه أفضل مكان تعرفه؟
