أماكن تدريب وتعليم

افضل 3 اماكن جديدة للخروج في الدقي 2022

افضل اماكن جديدة للخروج في الدقي عشان تفصل من جو الشغل وضغط المذاكرة وكل حاجة ممكن تخلي أعصابك مشدودة، الأماكن دي بيكون ليها طابع خاص ونظام رايق كده يخليك تغير مودك لدنيا تانية خالص، خصوصًا بقى لو الخروجة دي هتكون مع ناس تفتح النفس في مكان يفتح النفس برضه، ولو عايز تعرف الأماكن دي تعالى أقولك فين.

افضل 3 اماكن جديدة للخروج في الدقي 2022
افضل 3 اماكن جديدة للخروج في الدقي 2022

اقرأ ايضًا:

نادي يخت الجيزة

نادي يخت الجيزة دا نادي رياضي فيه ألعاب رياضية كتير جدًا، وهو من النوادي المشهورة في الجيزة بشكل عام، وكمان فيه أماكن للقعدة في تجمعات، وهتلاقي فيه برضه كافيه القعدة جواه ممتازة، وأسعاره معقولة، دا غير إن المكان نضيف والمعاملة فيه هتعجبك جدًا.

معلومات عن نادي يخت الجيزة

● العنوان: 101 شارع النيل، الدقي، الجيزة.
● مواعيد العمل: يويمًا من الساعة 6 صباحًا حتى الساعة 12 منتصف الليل.
● رقم التليفون: 37489415.
● الصفحة الرسمية على الفيس بوك: من هنا.
● الموقع على خريطة جوجل: دوس هنا.
● تقييم المركز: من 3 إلى 4 نجوم.

مركب كافيه لوكه

مركب كافيه لوكه دا قصة تانية خالص، عشان دا كافية على مركب جوا النيل، يعني ممكن تنزل تفطر فوق المركب دا على ترابيزة كده مترتبة وتبص على النيل وانت في قلبه، ياه على الراحة اللي الواحد حس بيا بس وهو بيوصف، طب لو جربته بقى مش هتمشي وتسيبه، بس جرب وقولنا رأيك إيه.

معلومات عن مركب كافيه لوكه

● العنوان: 106 شارع النيل، الدقي، قرب سيخ مشوي، القاهرة.
● مواعيد العمل: يوميًاً من الساعة 10 صباحًا حتى الساعة 3 فجرًا.
● رقم التليفون: 01155610000.
● الصفحة الرسمية على الفيس بوك: من هنا.
● الموقع الإلكتروني الرسمي: من هنا.
● الموقع على خريطة جوجل: من هنا.
● تقييم المركز: من 4 إلى 5 نجوم.

مطعم وكافيه عدن

مطعم وكافيه عدن من أشهر المطاعم اللي هتاكل فيها اللقمة الهنية، حاجة كده تعيش فيها يوم تنسى بيه كل اللي فات في الأيام اللي قبله، قعدة حلوة وراحة كده في التعامل لأن الناس هناك ذوق فوق الوصف، دا غير إن الأسعار في المعقول، والنضافة طبعًا هتشوفها بعنيك لما تجرب.

معلومات عن مطعم وكافيه عدن

● العنوان 22 شارع مصدق، الدقي، قسم الدقي، محافظة القاهرة.
● المواعيد : يوميًا من الساعة 8 صباحًا حتى الساعة 2 صباحًا.
● رقم الهاتف: 01097300343.
● الموقععى جوجل: دوس هنا.
● التقييم: من 4 إلى 5 نجوم.

الخلاصة

خلاصة الموضوع لو بتدور على افضل اماكن خروج في الدقي جرب الأماكن اللي قولنا عليها فوق، لأنها أماكن ممتازة جدًا للخروجات اللي قلبك يحبها، ولو انت مجرب أماكن تانية تبقى تقولنا عليها، عشان نغير جو كل مرة في مكان مختلف ويرد الروح.

اترك رد

زر الذهاب إلى الأعلى