أفضل 3 أماكن للحمام المغربي في مصر
الحمام المغربي هو طريقة من أفضل طرق إزالة الجلد الميت من جسمك، وتفتيح البشرة، وده غير أنه بيشنط الدورة الدموية، وبيقلل ظهور التجاعيد، وبيعمل حاجات كتير حلوه الصراحة =D ، المهم بما إنك في المقال ده فـ إنت أكيد عارف فوائد الحمام المغربي، ومش مستني إنك تعرفها مِننا، لكن إحنا في المقال ده هنعرفك حاجه تانيه وهي أفضل 3 أماكن بتعمل حمام مغربي في مصر، جاهز تعرف؟
حمام السلطان – من أفضل الأماكن الحمام المغربي في النزهة
حمام السلطان من الأماكن القديمة إللي بتقدم الحمام المغربي في مصر، وله مميزات كتير، زي أن سعره مميز جدًا، بالإضافة لإنه دايمًا بيعمل عروض وخصومات بتوصل أحيانًا لـ 25% وكفاية جدًا لو قولتله إنك جاي عن طريق قالك فين (هيقولك موقع ايه ده انا معرفوش) وكده كده هتاخد الخصم برضه، لأن دايمًا عندهم خصومات (والله دمي خفيف)
طرق التواصل والوصول إلى حمام السلطان
- 5 مربع 1181 مساكن شيراتون حي الوزراء، قسم النزهة
- مواعيد العمل : كل يوم من 3 العصر لـ 3 قبل الفجر
- رقم التليفون : 01229910002
- تقيم المكان : 4.3 من 5 نجوم.
- رابط المكان على خرائط جوجل (دوس هنا)
الحمام المغربي – بيشتغل فيه مغاربة
حمام التلات – أفضل مكان للحمام المغربي في المعادي – القاهرة
وسط هدوء المعادي، هتلاقي واحد من أفضل الحمامات المغربية في القاهرة، حمام التلات، إللي المميز في المكان ده، وإللي بيميزه عن أي حمام مغربي آخر وهو أن إللي بيشتغل فيه مغاربة، وطبعًا هم أحسن ناس تعمل الحمام المغربي، وزي ما بيقولوا في مجلة القاهرة 360 حمام التلات رائع للجسم وعنيف على الجلد.
طرق التواصل والوصول إلى حمام التلات
- العنوان : 16 ش 218 معادي السرايات الغربية، حي المعادي (ده باينه الباسورد باين)
- رقم التليفون : 01221146020
- تقيم الكان : 4.3 من 5 نجوم
اكدال – مكان مميز للحمام المغربي في المهندسين
في قلب المهندسين هتلاقي اكدال واحد من أفضل الأماكن إللي ممكن تعملي فيها حمام مغربي (للبنات فقط)، بالإضافة لأن إللي شغالين هناك محترفات جدًا، وحلوين اوي الصراحة هييييح المكان مميز، ويعتبر من أفضل أماكن الحمامات المغربي في القاهرة كلها، ودعي معلوماته.
معلومات التواصل والوصول إلى اكادال
- العنوان : 14 شارع أحمد رامز متفرع من شهاب المهندسين
- للدخول على صفحتهم على الفيس بوك (دوس هنا)
- رقم التليفون : 01272447474
- تقيم المكان : 4.6 من 5 نجوم.
مُلخص
بكده نكون قدمنالكم أفضل 3 أماكن نعرفها لعمل حمام مغربي مميز في مصر
هو أغلبهم في القاهرة، فـ لو حابب نعمل مقالات مستقبليه عن الأفضل في محافظة معينه قولنا
ومش هنتأخر، قووول يا ولد متتكسفش أنت في (موقع قالك فين دوت كوم) بيتك يعني.
