أفضل اماكن خروج في الإسكندرية هنعرفك عليها دلوقتي، خصوصًا إن اسكندرية دي أحسن مكان تزوره أو تتفسح فيه في كل الأوقات سواء كان في الصيف أو في الشتا كمان، كل مكان فيها ليه ألف حكاية وألف قصة، اسكندرية يعني بحر وشمس وهوا، وكمان أرض خضرا وري ومرح وانطلاق، وسهر على البحر لغاية الصبح، وكافيهات ومطاعم ومقاهي ونوادي، وأكتر من كده كمان، انها اسكندرية يا سادة.
حدائق المنتزه
حدائق المنتزه دي عالم آخر كده هتعيش فيه مجرد ما تدخل بوابة الحديقة دي، ودا لأنها من جوه وهم، مكان ملهوش حل، ممكن جواها تلعب وتجري وكمان تعمل سباق دراجات الدراجات الخاصة بأسرتك، وكمان فيها مطاعم وكافيهات ممتعة وجوها مميز جدًا، المكان جوة مريح نفسيًا، شجر وبحر ومناظر طبيعية.
معلومات عن حدائق المنتزه
العنوان: 77 جمال عبد الناصر، المندرة بحري، قسم ثان المنتزه، الإسكندرية.
مواعيد العمل: يوميًا على مدار الـ24 ساعة.
رقم التليفون: 03547305.
الموقع على خريطة جوجل: من هنا.
تقييم الحديقة: من 4 إلى 5 نجوم.
كوبري ستانلي
كوبري ستانلي يعني تتمشى كده وانت بتتفرج ع البحر بيخبط في بعضه والشمس وهي بتهرب وتغرب جوه البحر، ويا سلام لو طاولة ولا دومينو في القعدة الحلوة دي بقى، وبعدين تنزل على أقرب كافيه تشرب حاجة تحبها والكافيهات هناك تحفة، وبعدين يلا بينا على مطعم مينوش اللي هتاكل عنده أحلى بيتزا، وبعدين نكمل السهرة تاني على كورنيش ستانلي، حربها هتلاقيها متعة ملهاش وصف.
معلومات عن كوبري ستانلي
العنوان: فلمنج سيدي جابر الإسكندرية.
مواعيد العمل: مفتوح يوميًا على مدار الـ24 ساعة.
رقم التليفون: 01274910727.
الموقع على خريطة جوجل: من هنا.
تقييم المكان: من 4 نجوم إلى 5 نجوم.
قرية الأسد
دي قرية فيها مجموعة من الحيوانات والطيور، بتلف فيها وتتفرج على كل الحيوانات من خلال عزل بينك وبينهم، وكمان هتلاقي هناك مطاعم ممتازة بتقدملك أفضل أكل تحبه، خصوصًا الأكل الشرقي، اللي كلنا منقدرش نستغنى عنه.
معلومات عن قرية الأسد
العنوان: ميدان سموحة، عزبة سعد، قسم سيدي جابر، الإسكندرية.
مواعيد العمل: يوميًا على مدار الـ 24 ساعة.
رقم التليفون: 01012412442.
الصفحة الرسمية على الفيس بوك:
الموقع الإلكتروني الرسمي: من هنا.
الموقع على خريطة جوجل: من هنا.
تقييم المكان: من 4 نجوم إلى 5 نجوم.
الخلاصة
أفضل اماكن خروج في الإسكندرية متتعدش طبعًا من كترها، بس احنا قولنالك الأماكن اللي ناس كتير بتسأل عنها، لو عندك اماكن تانية متنساش تبلغنا في التعليقات.
