أفضل اماكن تعليم تصميم الازياء فى الاسكندرية
تصميم الأزياء مش مُجرد وظيفة، أو حاجه ممكن نتعلمها في الكلية ونطلع نشتغلها وبس، هي موهبة جميلة وفن، ممكن تتعلمه حتى خارج الدراسة الأكاديمية عن طريق أماكن أو كورسات من ناس موهوبين في المجال ده، والنهارده هنرشحلكم أفضل الأماكن والكورسات إللي ممكن تاخدها في تصميم الأزياء داخل مدينة الأسكندرية، جاهز؟
مركز أف دي سي – لتعليم تصميم الأزياء في الأسكندرية
مركز أف دي سي هو مركز من المراكز المميزة جدًا، اللي بتدي كورسات ودبلومات في تصميم الأزياء بأسعار مميزة جدًا، وكمان بتقدملك كُتب ومادة علمية كاملة، بحيث تقدر توصل لمستوى كويس جدًا في فترة قصيرة، الجميل إنك هتدخل صفتهم وهتشوف أمثلة على تصميمات عملوا الطلاب إللي قبلك بالفعل قبل ما تقدم، وقبل ما تدفع أي فلوس، وده في حد ذاته شيء مُشجع جدًا، وهيخليك متحمس إنك تاخد الخطوة.
معلومات الوصول والتواصل مع مركز أف دي سي
- العنوان : 637 طريق الحرية، جناكليس، قسم ثان الرمل، الإسكندرية
- رقم التليفون : 035767598
- تقيم المكان : 3.5 من 5 نجوم
- للدخول على صفحتهم على الفيس بوك (دوس هنا)
دورات تصميم الأزياء من مركز هوايتي في الأسكندرية
على مدار سنين طويلة مركز هوايتي بيقدم مجموعة من أكبر دورات وكورسات تصميم الأزياء مش بس في الأسكندرية، ولكنها من أفضل الكورسات والدبلومات للمجال ده في مصر كلها مش بس في الأسكندرية، وعشان كده لازم على الأقل تزور المكان ده قبل ما تقرر إنك تحجز وتشترك في كورس أو دبلومة في مكان تاني، لأن أكيد لو روحت المكان ده مره، هتغير رأيك وهتشترك معاهم أكيد.
معلومات الوصول والتواصل مع مركز هوايتي
- العنوان : 246 شارع الفتح – الدور الأول – بجانب محطة جناكليس الترام – الأسكندرية
- رقم التليفون : 01111861311 – 01200063770
- مواعيد العمل : كل يوم من 10 الصبح لـ 8 بليل والجمعة أجازة
- للدخول على صفحة المكان على الفيس بوك (دوس هنا)
دورة تصميم الأزياء المقدمة من كلية الفنون – جامعة الأسكندرية
واحدة من أجمل الدورات إللي ممكن تاخدها تصميم الأزياء والموضة هي دورة كلية الفنون اللي بتقدمها جامعة الأسكندرية، طبعًا بتاخدها على إيد خبراء كبار فعلًا، وهتكون واثق من المادة العلمية إللي هتاخدها، بالإضافة لأن سعرها رخيص جدًا، مش هتكلفك غير 500 جنية شهريًا بس تقريبًا، والدورة مديتها شهرين، يعني هتدفع 1000 جنية بس في المقابل هتاخد دورة من مكان كبير ومعتمد زي جامعة الأسكندرية، فـ دي حاجه ممتازة جدًا.
أماكن التواصل والوصول
- عنوان الحجز : 108 شارع عبد السلام عارف – كلية الفنون الجميلة جامعة الإسكندرية
- مواعيد الدورة : من 9 صباحًا لـ 4.5 مساءًا
- رقم التليفون : 01026999313
وبكده نكون رشحنالكم الأماكن الأفضل عشان تاخد دورة أو كورس في تصميم الأزياء، متنساش ترجع وتقولنا رأيك وتجربتك مع الأماكن دي أو غيرها في التعليقات، لأن رأيك يهمنا جدًا.
تعليق واحد