أماكن ترفيه في المعادي للأطفال والكبار والأصحاب والعائلات كمان، تقضي فيها أفضل الأوقات سواء كانت كافيهات أو ملاهي ومطاعم وحدائق وغير كده من الأماكن الكتير اللي نفسك تقضي يوم جميل فيها، في الأماكن دي ممكن تلعب وتجري وتفرح وتعمل كل اللي نفسك فيه كمان، لو عايز تتعرف على الأماكن دي تعالى أقولك فين.
ملاهي بيكابو
ملاهي بيكابو من أجمل الملاهي اللي ممكن طفلك يحبها أوي ويخرج كل الطاقة اللي جواه وهو بيلعب فيها ويمرح مع باقي الأطفال، فيها ألعاب كتير مختلفة، وكمان هتلاقي فيها نظام ونضافة وأمان، دا غير الهدوء والراحة الكبيرة اللي الأطفال هيحبوها هناك، كمان في فريق إشراف خاص على الألعاب في الملاهي، بيساعدوا الأطفال يلعبوا بالألعاب المختلفة بكل أمان وسهولة.
معلومات عن ملاهي بيكابو
- العنوان: 3 شارع معادي السرايات، الغربية، قسم المعادي، محافظة القاهرة.
- مواعيد العمل: أيام الخميس والجمعة والسبت من الساعة 11 صباحًا حتى الساعة 11 مساءً، من الأحد حتى الأربعاء من الساعة 12 مساءً حتى الساعة 11مساءً.
- رقم التليفون: 01001386630.
- الصفحة الرسمية على الفيس بوك: من هنا.
- الموقع على خريطة جوجل: من هنا.
- تقييم المركز: من 4 إلى 5 نجوم.
حديقة نيل المعادي
حديقة نيل المعادي دي حديقة واسعة وكبيرة فيها أشجار ونخيل وأرض خضرا وزهور وكمان فيها أماكن كتير للعب والجري وعمل المسابقات للكبار والصغار، دا غير إن فيها كمان إمكانية التجمعات العائيلة لتناول الوجبات معًا، دا غير ملعب كرة القدم، مع إمكانية اللعب بالدراجات داخل الحديقة.
معلومات عن حديقة نيل المعادي
- العنوان: القاهرة، الواسطي، طرة الحيط أو البلد سابقًا، قسم طرة، محافظة القاهرة.
- مواعيد العمل: يوميًا من الساعة 8 صباحًا إلى الساعة 10 مساءً.
- الصفحة الرسمية على الفيس بوك: من هنا.
- الموقع على خريطة جوجل: من هنا.
- تقييم المركز: من 3 إلى 4 نجوم.
مركز غرف المتاهة
مركز غرف المتاهة دا عبارة عن مكان مليان بوابات كتير، كل بوابة بتودي على أوضة معينة، ممكن في الأوضة دي تلاقي كل أنواع الرعب اللي تتخيلها، بين رعب وصراخ وضحك هستيري وأصوات مختلفة حواليك هتكون تجربة ممتازة ووقت لذيذ هتفضل فاكره طول عمرك.
معلومات عن مركز غرف المتاهة
- العنوان: 279 عزبة فهمي، قسم البساتين، محافظة القاهرة.
- مواعيد العمل: يوميًا من الساعة 2 مساءً حتى الساعة 12 منتصف الليل.
- رقم التليفون: 01060860961.
- الصفحة الرسمية على الفيس بوك: دوس هنا.
- البريد الإلكتروني الرسمي: من هنا.
- الموقع على خريطة جوجل: من هنا.
- تقييم المركز: من 4 إلى 5 نجوم.
الخلاصة
خلاصة الموضوع إنك لو بتدور على أماكن ترفيه في المعادي ليك ولأسرتك وإطفالك، يبقى انت لازم تجرب الأماكن دي، أسعارها معقولة وأماكن ممتازة وهتجربها مرة هتروحها تاني كتير، ومتنساش طبعًا تعرفنا أي مكان تاني انت بتحبه عشان نتعرف عليه.
تعليق واحد