أفضل أماكن خروج في الهرم وفيصل
فيصل والهرم من الأماكن الزحمة جدًا في مصر، وعشان كده من وقت للتاني بنبقى محتاجين أماكن هادية نخرج فيها، بعيده عن الزحمة بتاعة الروتين اليومي الإعتيادي لفيصل والهرم، وعشان كده قررنا النهارده، نقدملكم مجموعة من أفضل الأماكن إللي ممكن تخرج فيها وتقضي يوم لطيف في محيط الهرم وفيصل.
حديقة الأورمان – مكان للخروج قريب من الهرم وفيصل
من أفضل الأماكن إللي ممكن الواحد يخرج ويروحها في الجيزة هي حديقة الأورمان، إللي بتعتبر واحده من أكبر الحدائق النباتيه في مصر، حديقة الأورمان، مشهوره بمهرجان الزهور إللي بيتعمل فيها كُل فترة، وعلى الرغم من إنها قريبة من حديقة الحيوان، إلا إنها (المُفضله) بالنسبة لكتير من الناس، لأنها أهدى، وفيها حاجات كتير ممكن تتعمل، بالإضافة لأن فيها منطقة لألعاب الأطفال.
معلومات الوصول لـ حديقة الأورمان
- العنوان : أمام حديقة الحيوان – الجيزة
- للدخول على صفحة الحدبقة على خرائط جوجل (دوس هنا)
- أقرب محطة مترو : الجيزة
- سعر تذكرة الدخول : 3 جنية
- تقيم المكان 4.2 من 5 نجوم
- رقم التليفون : 01096862279
- مواعيد العمل : كل يوم من 9 الصبح لـ 5 المغرب
نادي الرماية – من أفضل أماكن الخروج في الهرم و فيصل
نادي الرماية واحد من أفضل الأماكن إللي ممكن تهرب ليها من زحمة الهرم وفيصل، ده لأنه مبني على مساحة كبيرة من المساحات الخضراء، وكمان له امتداد صحراوي، ممكن من خلاله تبعد شوية عن التلوث بتاع المدينة، وخاصة زحمة فيصل والهرم، بالإضافة لأن في خدمات كتير مميزة بتتقدم داخل نادي الرماية وبأسعار كلها رمزية.
معلومات عن نادي الرماية
- عنوان نادي الرماية : ميدان الرماية – الهرم
- للدخول على صفحة نادي الرماية على خرائط جوجل (دوس هنا)
- تقيم المكان : 4.1 من 5 نجوم
- رقم تليفون نادي الرماية : 33762561
حديقة الحيوان – خروجة عائلية قريبة من الهرم و فيصل
حديقة الحيوان هي واحدة من أكتر الخروجات التقليدية والعائلية إللي كُلنا تقريبًا عدينا عليها، ولكن الجديد هو أن حديقة الحيوان بتعمل تجديدات كل فترة، وبتضيف ليها جديد وأنشطة ممكن تعملها داخل الحديقة، والموضوع مبقاش متوقف بس على إنك تشوف الحيوانات أو تلعب معاهم، لأ بقى في حاجات كتير تشوفها زي السيرك والملاهي والسينما وغيرها.
معلومات عن حديقة الحيوان
- العنوان : أولى – الجيزة
- للدخول على صفحة حديقة الحيوان على خرائط جوجل (دوس هنا)
- للدخول على صفحة حديقة الحيوان على الفيس بوك (دوس هنا)
- أقرب محطة مترو : جامعة القاهرة – الدقي – الجيزة (هتركب بعد ما تنزل من المترو)
- سعر تذكرة الدخول : 5 جنية
- مواعيد العمل : كل يوم من 9 الصبح لـ 5 المغرب ماعدا التلات اجازة
- رقم التليفون : 0235708895
- تقيم الحديقة : 4 من 5 نجوم.
مُلخص ..
بكده نكون رشحنالكم أفضل 3 أماكن للخروج بالقرب من فيصل والهرم .. وهنستنى ترشيحاتكم أنتوا في التعليقات عن أماكن احسن وأفضل.
