اماكن ترامبولين للكبار في القاهرة
بعد بحث طويل جدًا عن أفضل أماكن تراموبلين للكبار داخل القاهرة
جمعنالكم قائمة بأفضل الأماكن، إللي عندها ترامبولين جامد
في مكان مميز
وكمان جيبنالكم فيديو من (استوديهوات شد الحبل)
اثناء بحثهم عن أفضل ترامبولين في القاهرة
جاهزين يا رفاق عشان نبدأ رحلة البحث عن التنطيط؟
Sky Zone Egypt أكبر ترامبولين للكبار في القاهرة
سكاي زون عندها واحده من أكبر الترامبولين إللي موجوده في القاهرة
وأكثر تميزًا بالإضافة لإن سعرهم كمان مش غالي خالص
بالمقارنة مع أن المكان جامد جدًا
المكان كمان في حاجات تانيه كتير غير الترامبولين مميزة وهتحتاج إنك تروح وتجربها
عشان تقدر تشوف قد ايه هي ممتعة
ودي معلومات أكتر عن المكان عشان لو حبيت تروح هناك:
- للدخول على صفحتهم على الفيس بوك (دوس هنا)
- عنوانهم : داخل داندى مول – الدور الاول – 6 أكتوبر قبل بوابات طريق الأسكندرية الصحراوى
- سعر الساعة : 50 جنية
- رقم التليفون : 01066500006
Gravity Code مكان ترامبولين للكبار في القاهرة ووقت مخصص للبنات فقط
إللي بيميز المكان ده غير أنه بالفعل مكان مميز
أنه مخصص وقت للبنات بس، عشان إللي حابين يروحوا يلعبوا ومش عارفين
عشان مش حابين يختلطوا بالشباب هناك .. المكان حل المشكلة وقدملهم وقت مُخصص
بالإضافة برضه لأن هناك المساحة كبيرة جدًا، وده بيديك مُتعة وحرية أكتر
اثناء اللعب والتنطيط
ودي بعض المعلومات عن المكان
عشان لو قررت تروح هناك:
- عنوانهم : شارع التسعين – التجمع الخامس – 3 سكايز بلازا خلف امريكانا بلازا
- رقم التليفون : 01211299990
- صفحتهم على الفيس بوك (دوس هنا)
مقارنة بين أغلى وارخص ترامبولين للكبار في القاهرة
هنضيف لكم مكانين تاني مميزين جدًا
بترشيح (كريم أحمد) مُقدم برنامج استديوهات شد الحبل على اليتيوب
في الفيديو ده هتعرف المكانين وهتعرف سعرهم
وتجربة كريم معاهم هناك واستمتع بإيه أكتر
مُلخص ..
بكده يكون مقالنا إنتهى، ونكون اتعرفنا سوا
عن افضل مكان ترامبولين في القاهرة للكبار
وأفضل مكان ترامبولين للبنات فقط
وايه الأغلى والأرخص بينهم
لو حابب تسألنا عن أي مكان سيبلنا سؤالك في التعليقات
ولو حابب تعمل مقارنة بين أماكن مش عارف تروح انهوا فيهم
اسألنا وإحنا هنقولك الإجابة على (قالك فين دوت كوم)
