الاقيه فين؟

أفضل 3 أماكن لعمل عيد ميلاد في الزمالك

أفضل 3 أماكن لعمل عيد ميلاد في الزمالك

عيد ميلادك هو يوم مميز، وعشان يكون مميز أكتر وأكتر وتستمتع بيه لازم تعمله في مكان يليق بالحدث، ولو أنت من الزمالك أو قريب من هناك، هيكون ده خبر سار ليك، لأننا في المقال ده هنقدملك مجموعة من أفضل الأماكن إللي ممكن تعمل عيد ميلادك فيها جوه الزمالك، طبعًا الزمالك مليانة كافيهات وأماكن مميزة، ولكننا هنقدملك الأفضل في المقال ده.

أفضل 3 أماكن لعمل عيد ميلاد في الزمالك
أفضل 3 أماكن لعمل عيد ميلاد في الزمالك

ستيدج – لعمل حفلات عيد الميلاد في الزمالك

ستيدج هو مكان بيديك مساحة وغرفة مغلقة مكيفة بالهواء وفيها ستيدج وميكروفون ومكان مجهز تمامًا لحفلة عيد ميلاد رائعة، المكان مش بيقدم خدمات زي التورتة وغيرها، عشان يبقى ليك انت خيار إنك تشتري من المكان إللي إنت عايزه، هو بس بيجهزلك المكان وبيقدمهولك عشان تقضي فيه وقت مُمتع جدًا وميتنسيش.

تفاصيل وعنوان ستيدج

  • العنوان : 15 شارع احمد حشمت- الزمالك
  • للدخول على صفحتهم على الانستجرام (دوس هنا)
  • رقم التليفون : 01154813666
  • تقيم المكان : 4.3 من 5 نجوم

cairo sky – أفضل مكان لعمل أعياد الميلاد في الزمالك

كايرو سكاي نايل فيو هو مكان رايق من الأماكن المميزة جدًا في الزمالك، هو عبارة مركبة كبيرة ممكن فيها تقعد تحت في المكان المكيف، وتشوف البحر وكل حاجة حواليك من الإزاز، وهنا بيكون المكان عبارة عن مطعم راقي جدًا، وبيقدم خدمة فوق الممتازة، الخيار التاني هو إنك تقعد على سطح المركب وتشوف كل حاجة حواليك والماية من غير حواجز وتسمع أغاني هادية على الـDj أو تسمع فرقة بتغني لايف يومين في الأسبوع، بالإضافة لأن المكان بيقدم خدمة عمل أعياد الميلاد بشكل مميز جدًا وفي مكان أقل ما يُقال عنه أنه رائع ورايق.

معلومات الوصول والتواصل مع نايل فيو الزمالك

  • العنوان : كورنيش الزمالك امام نادي القاهرة و بجوار فندق سوفيتيل الجزيرة
  • رقم التليفون : 01211169711
  • للدخول على صفحتهم على الفيس بوك (دوس هنا)
  • مواعيد العمل : كل يوم من 8 الصبح لـ 1 بعد منتصف الليل
  • تقيم المكان 3.8 من 5 نجوم.

ساقية الصاوي لعمل عيد ميلاد مميز ورخيص على النيل

من الخيارات المتاحة عشان تعمل عيد ميلاد مميز جدًا في الزمالك هو ساقية الصاوي وقعدتها المميزة على النيل مُباشرة، سعر تذكرة الدخول هناك 20 جنية بس، وهتقدر تقعد قعدة مميزة جدًا على النيل، وستمتع بوقتك وتعمل عيد ميلاد ميتنسيش هناك وتاخد كمان مجموعة من الصور الميزة.

معلومات الوصول والتواصل مع ساقية الصاوي

  • العنوان : تحت كوبري 26 يوليو في الزمالك
  • للدخول على صفحة ساقية الصاوي على خرائط جوجل (دوس هنا)
  • تقيم المكان : 4.4 من 5 نجوم
  • مواعيد العمل : كل يوم من 9 الصبح لـ 11 مساءًا
  • رقم تليفون المكان : 01000999995

مُلخص

وبكده نكون رشحنا ليكم 3 أماكن مميزة في الزمالك عشان تعمل عيد ميلاد مُميز، لو حابب تقولنا مكان رابع نضيفه، قولنا في التعليقات، ولو عندك تجربة مع أي مكان من الأماكن المذكورة قولنا برضه عشان نضيفها.

موقع قالك فين

اترك رد

زر الذهاب إلى الأعلى