أفضل مكان تأجير عجل في القاهرة
ركوب العجل هو واحد من أمتع وأفيد الرياضات على الإطلاق
والحقيقة أن في الفترة الأخيرة، عدد الأماكن إللي بتأجر عجل قلت جدًا
وكتير مِننا معندوش القُدرة أنه يشتري عجلة، بإختلاف الاسباب
وبيكون الحل الوحيد، إننا ندور على مكان بيأجر عجل داخل القاهرة، حتى لو كان بعيد شوية
وهنحتاج إننا نضيع ساعة ولا حاجه في المشوار
بس في الآخر هناخد تجربة ركوب عجل (من ابو بدال ده، إللي هو رياضة) ممتعة
ومتكاملة، وده إللي هنوفرهولك النهارده على موقع قالك فين (احم، حتى الموقع اسمه قالك فين، ايه الموقع إللي كله إيحائات ده! :”))
أماكن ركوب العجل في القاهرة
الحقيقة إحنا عندنا خيارات كتير جدًا، وعندنا وفرة في الأماكن الميزة
هو آه طبعًا، الموضوع زمان كان مُنتشر أكتر، لكن دلوقتي في أماكن كتير برضه
وبتقدم أنشطة كتير، زي السباقات والرحلات إللي بتتعمل لمجموعات من المُستئجرين
وده بيضيع مُتعة إضافية على متعة سواقة العجلة وركوبها أصلًا
فـ خلينا دلوقتي من غير مُقدمات كتير نتكلم عن أفضل مكان تأجير عجل في القاهرة
ونبدأ بـ
أماكن ركوب عجل في المعادي
المعادي كان ليها نصيب كبير جدًا، من أماكن تأجير وبيع العجل إللي فيها
ومن أفضل وأشهر الأماكن هناك
Power Ride لتأجير العجل في المعادي
وده مكان، ناس كتير جدًا بتعتبره أفضل مكان ممكن تأجر فيه عجل في المعادي
وبيعمل أنشطة كتير، وحقيقي المكان لطيف ومُمتع جدًا
ودي بعد تفاصيله:
- لينك اللوكيشن بتاعه على خرائط جوجل (من هنا)
- تقيم الكان على جوجل 4.9 من 5 يعني حاجه خرافية زي ديتول كده
- مواعيد العمل كل يوم من 6 ونص الصبح لغاية 9 بليل ماعدا الجُمعة (ناس نشيطة جدًا)
- رقم التليفون للتواصل : 01279200992
MaadiBikers – الشيخ كريم لتأجير وركوب العجل في زهراء المعادي
المكان ده كمان من الأماكن المميزة جدًا، وإللي واخد نفس تقيم بور رايد على جوجل
وهو تقيم عالي جدًا زي ما اتفقنا
يمكن عدد الأنشطة هنا أقل شوية، لكن السعر كويس جدًا، والمعاملة كويسة جدًا
بعض المعلومات عن المكان:
- تقيم المكان على جوجل 4.9 من 5 نفس تقيم المكان إللي فات
- العنوان رقم 108، حي المعادي ولو عايز تروح من خلال خرائط جوجل (أضغط هنا)
- مواعيد العمل : كل يوم من واحدة بعد الضهر لغاية 10 بليل ماعدا الحد أجازة
- رقم التليفون : 01128248148
أماكن تأجير عجل في مدينة نصر
تاني مكان هنتكلم عنه النهارده داخل القاهرة لتاجير العجل
هو مدينة نصر، إللي حقيقي جالنا طلبات كتير جدًا من ناس بتسألنا فين أجمد أماكن نأجر منها عجل
في مدينة نصر، وعشان إحنا جامدين جدًا
هنقولكم الإجابة:
Abouelgoukh لتأجير اعجل في مدينة نصر
أبو الجوخ هو واحد من أشهر أماكن تأجير العجل في مدينة نصر
وبالتحديد في ميدان الساعة
موقعه المميز خلاه واحد من أهم أماكن تأجير الدراجات الهوائية في القاهرة كلها
مش بس في مدينة نصر
ودي معلومات عنه:
- عنوان المكان : عمارات أول مايو – برج 8, 6, طريق النصر، المنطقة الأولى، مدينة نصر
- مواعيد العمل كل يوم من 12 الضهر لـ 10 مساءًا
- رقم التليفون : 02 22708378
- للدخول على صفحة المكان على الفيس بوك دوس (هنا)
Be a Biker كن دراج لركوب وتأجير العجل في مدينة نصر – القاهرة
كُن دراج هو واحد من أفضل وامتع أماكن تأجير العجل في مدينة نصر
المكان بيُدار بشكل إحترافي جدًا
وبيقدم تجربة وانشطة ممتعة جدًا
وهو الخيار الأفضل بالطبع لو أنت في أي مكان قريب من مدينة نصر
ودي بعض المعلومات عن المكان:
- عشان تدخل صفحتهم على الفيس بوك (دوس هنا)
- رقمهم : 01090140506
- لينك عنوانهم على جوجل ماب (من هنا)
- مواعيدهم : كل يوم 10 الصبح لـ 9 بليل ماعدا الحد أجازة
في النهاية ..
اتكلمنا في المقال ده عن أكتر أماكن مميزة لركوب العجل في القاهرة
في أكتر الأحياء إللي اتطلبت مِنا زي المعادي ومدينة نصر
لو حابين نكمل ونقولكم عن أفضل مكان لركوب العجل في الزمالك والتجمع الخامس وغيره ..
قولولنا في التعليقات، وبعد كده لما حد يقولك (فين مكان تأجير عجل في القاهرة) متقولوش قالك فين
لكن قوله ادخل على (قالك فين دوت كوم)
