أفضل أماكن للسفر والاسترخاء في مصر

أفضل أماكن للسفر والاسترخاء في مصر

أخدنا الأجازه ومحتاجين نفصل من روتين الحياه ؟
يا ترى رايحين على فين ؟!!
هقول لكم على أفضل أماكن للسفر في مصر

 سيوه – من أفضل أماكن الاسترخاء في مصر

هنتكلم الأول عن الجو في سيوه في الصيف حر جدا فأفضل وقت لزيارة سيوه هو في الشتا يعني من أول اكتوبر كده ..

و أكثر حاجه بتميزها عن غيرها هي شهرتها بالسياحه العلاجيه بمعنى إنك ممكن تتفسح و تتعالج في نفس الوقت وده بسبب أن رمالها فيها عناصر طبيعيه صالحه لأغراض الطب البديل

فلو بتعاني من آلام العظام

والظهر و عايز رحله علاجيه

وفي نفس الوقت تستجم

وتغير جو فمش لازم تفوت

زيارة واحة سيوه ..

وتبدأ الرحله العلاجيه أو زي ما بيسموها ( الدفن في الرمال)

في منتصف يوليو وحتى منتصف سبتمبر..

وتشتهر سيوه ب 7 أماكن يتم فيها عمل حمامات الرمل لمرضى الروماتيزم وآلام المفاصل وغيرهم وتقع جميعها بمنطقه يطلق عليها جبل الدكرور..

وكمان واحة سيوه فيها عدد من البحيرات الواسعه في وسط الصحاري .. فبعد ما تمشي مئات الأميال في الصحراء وتخلص رحلة الدفن في الرمال ..هتشوف من بعيد سطوحا ناصعة البياض وفيها كمان أماكن أثريه زي معبد أمون ومقابر جبل الموتى وكمان رحلات سفاري باستخدام سيارات الدفع الرباعي

يعني هتروح سيوه تستجم وتتعالج وتغير جو وتعمل سفاري وترجع إنسان جديد تماما … #روحوا_سيوه

دهب – للاسترخاء في مصر

دهب مدينه مصريه تابعه لمحافظة جنوب سيناء ..

وسموها دهب لأن رمالها لونها دهبي ..

طبيعتها جبليه وصحراويه .. مناخها معتدل تشتهر بالعديد من القرى السياحيه .. والفنادق المتنوعه ..

دهب تتميز بالعديد من النشاطات السياحيه ورياضيه متميزه وبالأخص رياضة القفز بالمظلات وتسلق الجبال لهواة ركوب الأمواج و المراكب الشراعيه .. وده بسبب سرعة الرياح فيها ولأنها محاطه بالجبال من جميع الاتجاهات

وتتمتع دهب بطبيعه صحراويه خلابه رائعه وعشان كده فيها العديد من رحلات السفاري للصحراء لاستكشافها وقضاء أوقات جميله فيها مع التخييم في هذه الأجواء الطبيعيه والسهر ليلا على أضواء النيران وشواء اللحوم على الفحم ..وأفضل منظر هتشوفه هو مشاهدة غروب الشمس من فوق قمة الجبل .. وأخيرا النوم تحت النجوم والقمر في جو خلاب بديع.

موقع قالك فين دوت كوم