أفضل أماكن للتجديف وممارسة رياضة الكاياك في القاهرة
في الفترة الأخيرة، بدأ الكلام والبحث عن رياضة التجديف أو (الكاياك) يزيد جدًا
وبدأنا نشوف ناس بتمارس الرياضة دي في النيل وإحنا ماشيين في طريقنا العادي
بتاع كل يوم، وده بيدل على زيادة شعبية الرياضة دي
ولأنك إذا سألت أي حد في الشارع (فين ممكن اركب مركب كاياك) وأمارس التجديف
في الواقع هيقابلك رد من ردين
الرد الأول (تم حذفه من قبل الرقابة)
والرد التاني هو (قالك فين)؟
ولأن ده اسم موقعنا إحنا هنجاوبك
فين أماكن ممارسة رياضة التجديف (كاياك) في القاهرة
أغلب أماكن ممارسة الكاياك في القاهرة بتكون في الزمالك والمعادي
والحقيقة إن عندنا خيارات متنوعة وكتيرة جدًا، من حيث الجودة والأسعار ونضافة المكان
وكل حاجه، ولكننا في المقال ده هنقولك أفضل قيمة مُمكن تاخدها مقابل السعر
وإزاي تقدر تستمتع بسعر قليل
الأول خلينا نرشحلك فيديو بيتكلم عن ممارسة الرياضة دي بسعر رخيص
وهو فيديو للهكساتو كريم أحمد
لو شُفت الفيديو هتستفيد أكتر من حاجه:
- أن رياضة التجديف أو الكاياك مش للأغنياء بس
- ممكن تمارس الرياضة في القاهرة بسهولة
- أوعى تعمل فيها عامل فيها وتشرب من النيل
طيب دلوقتي عرفنا أن الأفضل الأماكن في الزمالك والمعادي فين بقى؟
أسماء أفضل أماكن ممارسة التجديف (كاياك) في المعادي والزمالك داخل القاهرة
خلينا نبدأ أول حاجه بالمكان إللي ظهر في الفيديو وهو:
زمالك كاياك – Zamalek Kayak
المكان في مكان مميز جدًا سهل تروحه من أي حتة جوه القاهرة، لأنه في واحد من أشهر شوارع الزمالك والقاهرة
وهو شارع أبو الفدا
- عنوان المكان : 19 شارع أبو الفدا – الزمالك (بجوار حديقة الأسماك)
- رقم الموبايل : 01117830801
- متوسط السعر 125 جنية للساعة
- لمتابعة عروضهم على الفيس بوك اضغط (هنا)
- المواعيد يوميًا من 8 صباحًا لـ 5 مساءًا
- صفحة زمالك كاياك على إنستجرام (اضغط هنا)
Nile Kayak Club في المعادي
هو واحد من أفضل الأماكن إللي ممكن تمارس فيها رياضة التجديف أو الكاياك
خاصة وأن المكان مميز جدًا على بعد 10 دقايق من البحر الاعظم
وممكن تروحه من داخل بلاتفورم كورنيش المعادي
بالإضافة لأن السعر مُناسب جدًا للجميع
وفي خطط أسعار مختلفة، لمدد زمنية من ساعة لغاية 3 ساعات تلف فيهم المعادي
وفي كمان رحلة ممكن تختارها من المعادي للزمالك برفقة المُدرب
ودي شوية معلومات عن المكان:
- صفحة المكان على الفيس بوك من (هنا)
- رقم التليفون للحجز والاستفسار : 01010013335
- المكان مفتوح للجميع يومي الجمعة والسبت، وباقي أيام الأسبوع يجب عليك الحجز المُسبق
في النهاية ..
نتمنى نكون قدرنا نجاوبكم ونشرحلكم أماكن كويسه لممارسة رياضة التجديف أو الكاياك في القاهرة
وخليك فاكر بعد كده لو حد سألك على مكان متعرفهوش متقولوش “قالك فين” لكن قوله (قالك فين دوت كوم)
تعليق واحد