الاقيه فين؟

أفضل أماكن لتصوير فوتوسيشن في الزمالك

أفضل أماكن لتصوير فوتوسيشن في الزمالك

في المقال ده هنتكلم عن أفضل الأماكن إللي ممكن تتصور فيها، وتاخد فوتوسيشن بأقل تكلفة في منطقة الزمالك، سواء أكان الفوتوسيشن لمناسبة لرسمية زي الخطوبة أو فرح، أو حتى تتصور أنت واصحابك، أو ليك لو عايز تتصور صور حلوه، في مكان نضيف وجميل.

أفضل أماكن لتصوير فوتوسيشن في الزمالك
أفضل أماكن لتصوير فوتوسيشن في الزمالك

أول مكان معانا هو:

حديقة الأندلس – مكان في الزمالك لتصوير فوتوسيشن

حديقة الأندلس هي واحدة من الأماكن المميزة جدًا في الزمالك، وإللي ممكن تاخد فيها عدد كبير من الصور المُبهره، المكان كبير، وفي أماكن كتير ومختلفه عشان تتصور، منها الطراز الفرعوني بالإضافة للأثار الإسلامية، والألوان المُبهره في كل مكان من الحديقة، وعشان كده، لازم تروح هناك وتجرب، لو أنت مُهتم بالتصوير.

معلومات الوصول لحديقة الأندلس في الزمالك

  • العنوان : اخر كوبري قصر النيل من جهه اليمين
  • اقرب محطة مترو : محطة الأوبرا
  • مواعيد العمل : كل يوم من 9 الصبح لـ 10 بليل
  • تقيم المكان : 4.1 من 5 نجوم
  • للدخول على صفحة الحديقة على خرائط جوجل (دوس هنا)

حديقة الأسماك – مكان مُبهر للتصوير في الزمالك

أكيد شفت حديقة الأسماك على الأقل في فيلم أو مسلسل واحد من المسلسلات المصرية، وأنبهرت بجمال المكان، وده لأن حديقة الأسماك، واحدة من أكتر الحدائق إللي بيتم التصوير فيها، لأنها مكان هادي ومميز جدًا بالطراز الفريد المُصممه بيه.

الحديقة فيها أماكن كتير ممكن تاخد فيها صور مُبهره جدًا، بل أن كُل مكان في الحديقة ممكن تتصور فيه فوتوسيشن كامل ويطلع بأحسن شكل، وعشان كده بنرشحلك بشدة حديقة الأسماك، لو عايز تاخد فوتوسيشن أنيق.

معلومات الوصول لحديقة الأسماك

  • العنوان : شارع الجبلاية – الزمالك – القاهرة
  • أقرب محطة مترو : محطة مترو الأوبرا
  • مواعيد العمل : كل يوم من 9 صباحًا لـ 5 ونص مساءًا
  • رقم التليفون : 01091593825
  • للدخول على صفحة الحديقة على الفيس بوك (دوس هنا)
  • للدخول على صفحة الحديقة على خرائط جوجل (دوس هنا)

قصر عائشة فهمي – مكان مميز لفوتوسيشن في الزمالك

قصر عائشة فهمي هو خيار مميز جدًا لتصوير فوتوسيشن ميتنسيش في الزمالك، القصر مبني على الطراز الإيطالي ومليان سلالم ولوحات وألوان، يخلوا من كُل مكان فيه، مكان مُناسب للتصوير، وعشان كده بنرشحلك المكان ده بشده، خاصة وأن موقعه على النيل مُباشرة وفي قلب الزمالك، يعني المكان مُناسب من كل النواحي.

معلومات الوصول إلى قصر عائشة فهمي

  • العنوان : 1 شارع عزيز أباظة – الزمالك – القاهرة
  • للدخول على صفحة المكان على خرائط جوجل (دوس هنا)
  • أقرب محطة مترو لقصر عائشة فاهمي : محطة الأوبرا
  • تقيم المكان : 4.6 من 5 نجوم
  • للدخول على صفحة قصر عائشة فهمي على الفيس بوك (دوس هنا)
  • سعر تذكرة الدخول : مجانًا
  • رقم التليفون : 0227358211

في النهاية ..

دي ترشيحاتنا إحنا على موقع قالك فين دوت كوم لأفضل أماكن التصوير في الزمالك، ولكن الأكيد الأهم منها هو ترشيحاتكم إنتوا، إللي هنستناها في التعليقات.

اترك رد

زر الذهاب إلى الأعلى