أفضل أماكن ترفيهية للخروج في الدقي (ممتعة جدً)
الدقي من الأحياء إللي فيها عدد كبير جدًا من الأماكن الترفيهيه وأماكن الخروج، ولكن مش كُل الأماكن دي مُهتمه بالسوشيال ميديا، وعارفه توصل للناس، فبالتالي، في كتير منهم مش معروفين بالنسبة لسكان الدُقي حتى، وعشان كده قررنا نكتبلكم المقال ده، إللي هنرشحلكم فيه أماكن مُختلفه، غير إللي كُل الناس بترشحها وبتقول عليها، ونتمنى إنها تعجبكم.
88 Cafe – أفضل كافية للخروج في الدقي
لو هنتكلم عن الترفيه فـ أكيد لازم نذكر المكان ده، لأنه واحد من أجمل الكافيهات في الدقي، أولًا الديكور بتاع المكان عظيم جدًا، وكل العاملين في المكان ودودين إلى أقصى درجة، بالإضافة لأنهم بيعملوا افتكاسات ملهاش حل في المينو والحاجات إللي بتتقدم، وعندهم اهتمام كبير بالأكل الصحي .. بس متقلقش الأكل الغير صحي برضه مغرق المينيو هناك، يعني كده كده هتتبسط، هع.
معلومات الوصول والتواصل مع cafe 88
- عنوان المكان : 33 شارع عمان – متفرع من محي الدين أبو العز – الدقي – بعد H&M
- للدخول على صفحة الكافيه على خرائط جوجل (دوس هنا)
- مواعيد العمل : كل يوم من 8 الصبح لـ 2 بعد منتصف الليل
- تقيم المكان: 3.6 من 5 نجوم.
- لقراءة مينيو الكافية كامل (دوس هنا)
- رقم التليفون : 01061100082
Sherlocked Egypt – أفضل مكان ترفيهي مختلف في الدقي
Sherlocked Egypt هو مكان فريد من نوعه حقيقي، هو مكان بيدخلك في أجواء فيلم مشهور زي مثلًا الفيل الأزرق، وبتتحبس في أوضة، ولازم تحل لغز يخص الفيلم عشان تعرف تخرج من الأوضة دي في أجواء من الرعب والتشويق، التجربة مميزة جدًا، وهتكون ممتعة أكتر لو روحتوا المكان كـ شلة صحاب، كل تجارب الناس إللي راحت المكان ده إيجابيه جدًا، واتبسطوا جدًا بالتجربة.
معلومات التواصل والوصول لـ Sherlocked Egypt
- العنوان :شارع 54-56 محيي الدين أبو العز، الدقي
- مواعيد العمل : كل يوم من 3 العصر لـ 3 الفجر
- رقم التليفون : 01065008866
- تقيم المكان : 4.8 من 5 نجوم
- للدخول على صفحة المكان على الفيس بوك (دوس هنا)
- للدخول على صفحة المكان على خرائط جوجل (دوس هنا)
Pixels Entertainment Hub – أفضل مكان ترفيهي للخروج في الدقي
المكان ده مُختلف جدًا، يعني للوهلة الأولى ممكن تشوفه كـ كافيه عادي، ولكن لأ، هو مكان ترفيهي في الدرجة الأولى، هو مكان مليان العاب مُختلفه، زي الـ ps5 والألعاب العادية التانيه حتى القديم منها، هو مكان لازم تروحه عشان تلعب وبس، ونخرج من أي مود سيء، وعشان كده هو مكان مميز جدًا، ولازم تجربة ولو لمره، وأكيد لما تروحه هتدمنه، زي ما إحنا كـ إدارة الموقع ادمناه.
معلومات الوصول والتواصل مع Pixels Entertainment Hub
- العنوان : 10 شارع طيبه – الدقي
- تقيم المكان : 4.6 من 5 نجوم
- مواعيد العمل : كل يوم من الساعة 1 بعد الضهر للساعة 1 بعد منتصف الليل
- رقم تليفون المكان : 01129539698
- للدخول على صفحة المكان على خرائط جوجل (دوس هنا)
في النهاية ..
بنتمنى تكون الأماكن إللي رشحنهالكم ممتعة، ويكون المقال مُفيد ليكم، ولكن أكيد هيكون أفيد بتعليقاتكم، وترشيحاتكم لأماكن تانيه إحنا منرفعاش، يلا عايزينكم تشاركونا، لأننا هنكون أقوى وأفضل بيكم دايمًا.
تعليق واحد