أسعار الباتيناج في التوحيد والنور 2021
طول السنين إللي فاتت كانت رياضة الباتيناج واحدة
من أقل الرياضات انتشارًا في مصر، ولكن في السنين الأخيرة
وتقريبًا من 2015 بدأت الرياضة دي تنتشر جدًا، وبدأ الطلب عليها يزيد
لغاية ما وصلنا دلوقتي لأننا بنكتب مقال مُنفصل عنها وعن سعرها
وده دليل على أن الطلب والسؤال كتير جدًا ..
وعشان كده عملنالك المقال ده إللي هنقولك فيه سعر الباتيناج وانواعه
في التوحيد والنور ولكن ايه رأيك تقرأ المقال ده الأول
إللي بنعرفك فيه على أفضل الأماكن إللي ممكن تتعلم فيها
رياضة التزحلق بالباتيناج
خاصة وإنها أماكن رخيصة وسهل تروحها من أي مكان.
ويلا بينا نرجع تاني لموضوعنا وهو:
اسعار الباتيناج في التوحيد والنور
التوحيد واحد من أكبر المتاجر المحلات التجارية في مصر
وإللي ليها فروع في كُل حتة تقريبًا
وعشان كده لما اتسألنا عن اسعار الباتيناج أكتر مكان اتسألنا عن سعره فيه كان التوحيد والنور
وإللي عنده قسم كامل للرياضة
وفيها مُعدات رياضية كتيرة جدًا ومن ضمنها الباتيناج
وكان بيتراوح سعر الباتيناج الخاص بالأطفال في متاجر التوحيد والنور
من 300 لـ 400 جنية على حسب المقاس والماركة
أما سعر الباتيناج للكبار بيتراوح بين من 450 لـ 690 جنية وبرضه الاختلاف بيكون
على حسب المقاس والماركة
لكن كـ مُبتدأ مش شرط تجيب ماركة مشهوره أو معروفه وممكن تكتفي بـ حاجه متوسطه في حدود
الـ 450 جنية
ونيجي لسؤال مُهم جدًا
وهو
هل التوحيد والنور هو أفضل مكان لشراء الباتيناج في مصر ؟
في أماكن كتير ممكن تشتري منها باتيناج زي:
- التوحيد والنور
- كارفون
أو متاجر التسوق الأون لاين زي:
- جوميا
- نون
- سوق كوم
وطبعًا لو عايز تعرف بالظبط سعر المُنتج دلوقتي
ممكن تشوفي في المواقع إللي زي سوق وجوميا، لأن السعر فيها مُتجدد بشكل دائم
وهتعرف كمان الماركات وكل حاجه
وممكن تاخد صورة للمنتج وتروح تشتري من كارفور أو التوحيد والنور
بدل ما تروح وإنت مش حاطط أي مُنتج في الخطة
في النهاية ..
نتمنى نكون جاوبنا على اسألتك
وإنك تكون استفدت بالمقال، ومتنساش ترجع تزور موقعنا تاني لو احتجت (قالك فين دوت كوم)
تسأل عن أي مكان، وإحنا أكيد هنجاوبك
