اماكن تدريب ملاكمة في القاهرة
في عصر الوجبات السريعة والإنتخة إللي بقينا عايشين فيه حاليًا
بقى واجب على كُل واحد فينا، أنه يمارس لعبة رياضية، عشان يقدر جسمه قادر على مواجهة كُل السموم
إللي بتدخله يوميًا وحرقها، ومن أكتر الرياضات إللي عليها طلب وإللي بنتسأل عنها
في موقع قالك فين هي رياضة الملاكمة
وده طبعًا لأنها واحدة من أكثر الرياضات القتالية مُتعة، وعشان كده في المقال ده
هنوفرلك معلومات عن أفضل أماكن ممكن تدرب فيها على رياضة الملاكمة في القاهرة
عشان تملى وقت فراغك في حاجه مفيدة، وتحصل على جسم قوي
وليه لأ، ممكن زي محمد علي في يوم من الأيام .. أحم (محمد علي الملاكم متودوناش في داهية)
وبعد المُقدمة إللي ملهاش لازمة دي، ايه رأيكم ندخل في الموضوع على طول
ونرشحلكم كام مكان مميز كده لتدريب الملاكمة؟
أفضل أماكن تدريب ملاكمة في القاهرة – بدون ترتيب
القاهرة فيها أماكن كتير جدًا لتدريب الملاكمة، ولكن للأسف الأماكن دي مش بتهتم بتعريف نفسها
أو بالإعلان عن نفسها على السوشيال ميديا
ولكننا قدرنا إننا نوصل لبعضهم، وأكتشفتنا إننا عندنا شوية أماكن (زالفل)
ودي بعضها:
أكاديمية الملاكمة Egypt Boxing Academy – واحد من أفضل أماكن التدريب على الملاكمة في القاهرة
أكاديمية الملاكمة مش بس مكان للتدريب على الملاكمة والكيك بوكسينج، ولكنه كمان
بيدربك على رياضة الـ MMA على أيد مُدربين متخصصين ومحترفين جدًا
المكان مُريح، والعاملين فيه أكفاء جدًا، ويعتبر واحد من أقوى وأفضل أماكن تدريبات الملاكمة في مصر كُلها
ودي بعض المعلومات عنه:
- تقيم المكان على جوجل هو 4.8 من 5 نجوم وده تقيم مُرتفع جدًا
- ارقم تليفون المكان : 01002060600
- عندهم خطط اشتراك كتير، وأظن أن الأسعار مُناسبة للجميع
- العنوان : رقم 10، الأباجية، قسم الخليفة، محافظة القاهرة
وعندهم فروع تانية كتير، في القاهرة وبرا القاهرة، وكُلها مميزة
وده فيديو من داخل المكان
AUFC Academy لتدريب الملاكمة والكيك بوكسينج في القاهرة
AUFC Academy هو واحد من الأماكن المميزة إللي اعلنت عن نفسها بقوة في الفترة الأخيرة
وكانت قادرة إنها تلفت الإنظار وعشان كده تستحق إننا نقول عليها إنها واحدة من افضل اماكن تدريب الملاكمة والرياضات القتالية في القاهرة
ودي بعد المعلومات عنها:
- لمتابعة صفحتهم على الفيس بوك اضغط (هنا)
- مواعيدهم كل يوم من 4 عصرًا لـ 12 صباحًا
- المكان يحتوي على مدربي ملاكمة وكيك بوكسينج وMMA ومصارعة وباركور
- رقم الهاتف للتواصل : 01090903983
- تقيم المكان على جوجل 3.4 من 5 نجوم
- عنوان : داخل فُندق توليب النرجس
الاكاديمية المصرية للفنون القتالية
في الحقيقة أن المكان ده مش في القاهرة، لكن كون المكان كويس جدًا
وكل إللي راحوه بيشكروا فيه خلانا نغش شوية، ونحطوا في القايمة دي
رغم كون المكان في الجيزة
لكن المكان قادر يدربك على أغلب الفنون القتالية بإحترافية كبيرة
ودي بعض المعلومات عنه:
- عنوان المكان : محمد مخلوف، الدقي، الدقى، الجيزة
- مواعيد العمل كل يوم من 10 صباحًا لـ 11 مساءًا
- رقم الهاتف : 01009166662
- تقيم المكان على جوجل هو 4.4 من 5 وده تقيم مميز جدًا
في النهاية ..
بكده نكون اتكلمنا عن أماكن تدريب ملاكمة كويسة جدًا في القاهرة والجيزة
ومتنساش لو حد سألك بعد كده عن اي مكان مش عارفه متقولوش (قالك فين)
لكن قوله (قالك فين دوت كوم)
