أماكن للخروج

أفضل أماكن ترفيهية للاطفال في الهرم (لن يمل أطفالك ابدًا منها)

أفضل أماكن ترفيهية للاطفال في الهرم (لن يمل أطفالك ابدًا منها)

قليل جدًا من الناس إللي عارفين أن في عدد كبير من الأماكن الترفيهية وأماكن التسلية للأطغال في منطقة الهرم، وبيجيلنا اسئلة كتير جدًا عن أماكن قريبة من الهرم، ممكن الأطفال تتبسط فيها، وعشان كده جيبنالكم النهارده، مجموعة من أفضل الأماكن الترفيهية للأطفال في منطقة الهرم ومحيطها.

أفضل أماكن ترفيهية للاطفال في الهرم (لن يمل أطفالك ابدًا منها)
أفضل أماكن ترفيهية للاطفال في الهرم (لن يمل أطفالك ابدًا منها)

وخلونا نبدأ مع أول مكان وهو:

ملاهى بلاى تايم بمول زيزينيا  – أفضل ملاهي للأطفال في الهرم

ملاهي بلاي تايم الموجوده في مول زيزينيا هي واحدة من أجمل الأماكن إللي ممكن الأطفال تسمتع بزيارتها، الملاهي فيها عدد كبير من الألعاب المميزة والممتعة جدًا، الملاهي شغالة بنظام كارت التشغيل الذكي إللي بتشحنه من داخل الملاهي وبتلعب من خلاله الألعاب، ودايمًا عندهم عروض مميزة وكتيرة على الألعاب وعلى الشحن، وفي الحقيقة هي مش مُكلفه تمامًا.

معلومات الوصول والتواصل مع ملاهي بلاي تايم

  • عنوان الملاهي : ٢٣٠ شارع الهرم داخل زيزينا مول بالدور الثالث و الدخول مجانا
  • رقم التليفون : 01000056273
  • مواعيد العمل : كل يوم من الساعة 12 الضهر للساعة 10 بليل ماعدا التلات أجازة.
  • تقيم المكان : 4.2 من 5 نجوم.
  • للدخول على صفحة الملاهي على الفيس بوك (دوس هنا)

ملاهي توتي بارك – أفضل ملاهي للأطفال حتى سن الإعدادية

دايمًا لما تتيجي سيرة ملاهي توتي بارك بيتقال إنها الملاهي المناسبة جدًا للأطفال حتى سن الإعدادية، لأن الألعاب إللي هناك الأطفال في السن ده بتحبها جدًا، وعشان كده كان لازم تكون في قائمة أفضل أماكن الخروج والترفيه في الهرم للأطفال، وللأسف هي مش مناسبة للأطفال فوق سن الـ 20 سنة هع.

معلومات الوصول والتواصل مع ملاهي توتي بارك

  • العنوان : 362 شارع الهرم الرئيسي – داخل مول اخناتون (الدور التاني) – أمام كازينو الليل
  • رقم تليفون الملاهي : 0237805625
  • تقيم المكان :3.8 من 5 نجوم.
  • مواعيد العمل : كل يوم من الساعة 5 المغرب للساعة 11 بليل
  • للدخول على صفحة الملاهي على الفيس بوك (دوس هنا)

حديقة صن بيرد – أفضل مكان مفتوح للخروج مع الأطفال في الهرم

حديثة صن بيرد هي أفضل حديثة أو مكان مفتوح مناسب للظروف إللي بنعيشها دلوقتي، عشان نخرج فيه مع الأطفال، وخاصة وأن الحديثة فيها مساحات خضراء كبيرة، وانواع كتيرة من النباتات إللي الأطفال هتتبسط جدًا لما تشوفها، وتلعب فيها، وعشان كده بنرشحلك Sunbird Cultural Garden كواحدة من أفضل الأماكن الترفيهية للأطفال القريبة من الهرم، كُل إللي عليك إنك تروحها وتحكم بنفسك.

معلومات الوصول والتواصل مع Sunbird Cultural Garden

  • العنوان : 25 شارع المنصورية، الهرم، الجيزة
  • رقم تليفون الحديقة : 0122117552
  • تقيم المكان : 4.3 من 5 نجوم
  • للدخول على صفحة الحديقة على خرائط جوجل (دوس هنا)

في النهاية ..

إحنا بكده نكون رشحنالكم أفضل الأماكن إللي نعرفها للخروج مع أطفال في منطقة الهرم، دلوقتي جه دورك عشان تقولنا أفضل الأماكن إللي منعرفهاش وممكن الأطفال تستمتع فيها، هنحتاج جدًا تعليقك وخبرتك.

موقع قالك فين دوت كوم

اترك رد

زر الذهاب إلى الأعلى